చంద్రయాన్​-2 ల్యాండింగ్​ను వీక్షించనున్న ప్రధాని

సెప్టెంబర్​ 7న బెంగళూరులోని భూ నియంత్రిక కేంద్రం నుంచి చంద్రయాన్​-2 ఉపగ్రహం చంద్రుడిపై అడుగు పెట్టే దృశ్యాలను ప్రధానమంత్రి నరేంద్ర మోదీ వీక్షించనున్నారు. ఈ మేరకు ఏర్పాట్లు చేపట్టింది ఇస్రో.

ప్రధాని నరేంద్ర మోదీ సెప్టెంబరు 7న బెంగళూరుకు రానున్నారు. ఇస్రో ప్రతిష్ఠాత్మకంగా చేపట్టిన చంద్రయాన్​-2 ఉపగ్రహం చంద్రునిపై అడుగు పెట్టే సందర్భాన్ని ఆయన బెంగళూరులోని భూ నియంత్రక కేంద్రం నుంచి వీక్షిస్తారు. ఈ మేరకు ఏర్పాట్లు చేపట్టింది ఇస్రో.

ఈ నెల 21న చంద్రయాన్​-2 చంద్రుడి కక్షలో ప్రవేశించింది. సెప్టెంబర్ 2న ఆర్బిటర్ నుంచి ల్యాండర్ విడిపోయి.. 100X30 కిలోమీటర్ల కక్ష్యలోకి ప్రవేశిస్తుంది. అనంతరం సెప్టెంబర్ 7న చంద్రుడి దక్షిణ ధృవంపై దిగనుందని ఇస్రో ఛైర్మన్​ కె. శివన్ తెలిపారు.

చంద్రయాన్​-2 విజయవంతమైతే ఆ సందర్భాన్ని పురస్కరించుకుని ప్రధాని బెంగళూరు నుంచే ప్రసంగిస్తారు. ఈ ఉపగ్రహం జాబిల్లిపై దిగిన తర్వాత ల్యాండర్ విక్రమ్ నుంచి ప్రగ్యాన్​ రోవర్​ బయటకొచ్చి చంద్రుడి పై పరిశోధనలు చేస్తుంది.

ఇదీ చూడండి:'శారదా' కేసులో తృణమూల్ నేతలకు సమన్లు