కేంద్రపాలిత ప్రాంతం జమ్ముకశ్మీర్లోని నివాసులు అందరికీ వర్తించే విధంగా ఆయుష్మాన్ భారత్ పథకాన్ని ప్రధాన మంత్రి నరేంద్ర మోదీ ఇవాళ ప్రారంభించనున్నారు. మధ్యాహ్నం 12 గంటలకు వీడియో కాన్ఫరెన్స్ మాధ్యమం ద్వారా ఈ కార్యక్రమం జరగనున్నట్లు ప్రధాన మంత్రి కార్యాలయం ఓ ప్రకటనలో వెల్లడించింది.
ఈ పథకం సార్వజనిక ఆరోగ్య భద్రత కల్పించడంతో పాటు అందరికీ నాణ్యమైన, అత్యవసర ఆరోగ్య సేవలు తక్కువ ఖర్చులో అందేలా చూస్తుందని పేర్కొంది.
కేంద్ర హోం శాఖ మంత్రి అమిత్ షా, జమ్ముకశ్మీర్ లెఫ్టినెంట్ గవర్నర్ మనోజ్ సిన్హా కూడా ఈ కార్యక్రమంలో పాల్గొననున్నారు.
ఈ పథకంతో నివాసులందరికీ ఉచిత బీమాతో పాటు.. ఫ్లోటర్ బేసిస్పై ఒక్కొక్క కుటుంబానికి రూ. 5 లక్షల వరకు ఆర్థిక రక్షణ ప్రయోజనాలు చేకూరనున్నాయి. దాదాపు 15 లక్షల కుటుంబాలకు లబ్ధి కలగనుంది. ఈ పథకం ప్రయోజనాలు వీరికి దేశమంతటా వర్తిస్తాయి. ప్రధాన మంత్రి జన్ ఆరోగ్య యోజన (పీఎం-జేఏవై) కింద నమోదైన ఆస్పత్రులు.. ఈ పథకంలోనూ సేవలను అందించనున్నాయి.
ఇదీ చూడండి: 'సాగు చట్టాలపై విపక్షాల రాజకీయం'