డిఫెన్స్​ ఎక్స్​పో ప్రారంభోత్సవానికి రేపు లఖ్​నవూకు మోదీ

ఉత్తర్​ప్రదేశ్​లో​ జరిగే డిఫెన్స్​ ఎక్స్​పోను ప్రధానమంత్రి నరేంద్రమోదీ ప్రారంభించనున్నారు. ఇందుకోసం రేపు లఖ్​నవూకు వెళ్లనున్నారు మోదీ. ఐదు రోజులపాటు జరిగే డిఫెన్స్​ ఎక్స్​పోలో వెయ్యికిపైగా జాతీయ, అంతర్జాతీయ రక్షణ రంగ సంస్థలు పాల్గొని తమ ఆయుధాలను ప్రదర్శించనున్నాయి.

రెండేళ్లకు ఓసారి నిర్వహించే డిఫెన్స్ ఎక్స్​పోను ప్రధానమంత్రి నరేంద్ర మోదీ రేపు లఖ్​నవూలో ప్రారంభించనున్నారు. ఐదు రోజుల పాటు సాగే ఈ కార్యక్రమంలో వెయ్యికి పైగా జాతీయ, అంతర్జాతీయ రక్షణ రంగ సంస్థలు పాల్గొననున్నాయి.

విమానాల రాకపోకలపై ఆంక్షలు..

డిఫెన్స్ ఎక్స్​పో కారణంగా దాదాపు 90 విమానాల రాకపోకలు ప్రభావితం కానున్నాయి. డిఫెన్స్ ఎక్స్​పో సమయంలో గంటకు 2,700 కిలోమీటర్ల వేగంతో యుద్ధవిమానాలు ప్రయాణించనుండటం వల్ల విమానాల రాకపోకలపై ఆంక్షలు విధించారు.

భారత్​కు విక్రయించాలని భావిస్తున్న ఫ్రాన్స్, అమెరికాకు చెందిన యుద్ధవిమానాలు కూడా ప్రదర్శనకు వచ్చే అవకాశం ఉంది. వీటితోపాటు సుఖోయ్30 ఎంకేఐ, జాగ్వార్, చినూక్, చీతా హెలికాప్టర్లు కూడా ప్రదర్శనకు ఉంచే అవకాశం ఉన్నట్లు తెలుస్తోంది.