సబ్​మెరైన్ కేబుల్ వ్యవస్థను ప్రారంభించనున్న మోదీ

అండమాన్​కు మెరుగైన సమాచారం అందించే విధంగా ఏర్పాటు చేసిన సబ్​మెరైన్ కేబుల్ వ్యవస్థను ప్రధానమంత్రి నరేంద్ర మోదీ నేడు ప్రారంభించనున్నారు. ఈ ప్రాజెక్టులో భాగంగా చెన్నై నుంచి పోర్ట్​ బ్లెయిర్​ సహా మరో ఏడు ద్వీపాలకు సముద్రగర్భంలో సబ్​మెరైన్ కేబుళ్లను ఏర్పాటు చేశారు.

అండమాన్ ద్వీప సమూహానికి మెరుగైన కనెక్టివిటీ కల్పించే చెన్నై-అండమాన్ నికోబార్ సబ్​మెరైన్ కేబుల్ వ్యవస్థను ప్రధానమంత్రి నరేంద్ర మోదీ ఇవాళ ప్రారంభించనున్నారు.

ఈ ప్రాజెక్టులో భాగంగా చెన్నై నుంచి పోర్ట్​ బ్లెయిర్​ సహా మరో ఏడు ద్వీపాలకు సమాచార వ్యవస్థను రూపొందించారు. తీరంలో ఉన్న ద్వీపాలకు టెలికమ్యునికేషన్ సిగ్నళ్లు పంపించే విధంగా సముద్రగర్భంలో సబ్​మెరైన్ కేబుళ్లను ఏర్పాటు చేశారు. ఈ సందర్భంగా ప్రారంభోత్సవాన్ని ఉద్దేశించి ప్రధానమంత్రి నరేంద్ర మోదీ ట్వీట్ చేశారు.

"అండమాన్ నికోబార్ దీవుల ప్రజలకు ఈ ఆగస్టు 10 చాలా ప్రత్యేకమైన రోజు. చెన్నై నుంచి పోర్ట్​బ్లెయిర్ వరకు ఏర్పాటు చేసిన సబ్​మెరైన్ ఆప్టికల్ ఫైబర్ కేబుల్ వ్యవస్థ ఈరోజు ప్రారంభమవుతుంది."

-ప్రధానమంత్రి నరేంద్రమోదీ

ఈ మేరకు అండమాన్ నికోబార్ దీవుల అధికారులకు బీఎస్​ఎన్​ఎల్​ చీఫ్ జనరల్ మేనేజర్ మురళీ కృష్ణ లేఖ రాశారు. ప్రారంభోత్సవం సజావుగా జరిగేలా ఏర్పాటు చేయాలని కోరారు.