మోదీకి 'గేట్స్​' పురస్కారం తెచ్చిన స్వచ్ఛ భారత్

ప్రధాని నరేంద్ర మోదీ ప్రతిష్ఠాత్మకంగా ప్రారంభించిన 'స్వచ్ఛ భారత్​ అభియాన్'​కు మరో అంతర్జాతీయ గుర్తింపు లభించింది. వినూత్న ఆలోచనకు బిల్​ మిలిందా గేట్స్​ పురస్కారం వరించింది.

ప్రధాని నరేంద్రమోదీకి మరో ప్రతిష్ఠాత్మక అవార్డు వరించింది. పారిశుద్ధ్యం, ఆరోగ్యం లక్ష్యంగా చేపట్టిన స్వచ్ఛభారత్​ కార్యక్రమానికి అంతర్జాతీయ గౌరవం దక్కింది. మోదీకి మైక్రోసాఫ్ట్​ అధినేత బిల్​ గేట్స్, ఆయన భార్య మిలిందా గేట్స్​ స్థాపించిన 'బిల్​ మిలిందా గేట్స్​ ఫౌండేషన్' అవార్డు ప్రకటించింది. ఈ విషయాన్ని ప్రధాని కార్యాలయం సహాయ మంత్రి జితేంద్రసింగ్​ వెల్లడించారు.

"మరో అవార్డు.. ప్రతి భారతీయుడు గర్వించదగ్గ క్షణం. మోదీ ఆలోచనలు, వివిధ అంశాల్లో చొరవకు అంతర్జాతీయ ఖ్యాతి దక్కింది. మోదీ ప్రారంభించిన స్వచ్ఛ భారత్​కు..​ బిల్​ మిలిందా గేట్స్​ ఫౌండేషన్​ పురస్కారం వరించింది. ఈ నెలలో అమెరికాలో పర్యటనలో మోదీకి ఈ అవార్డును అందజేస్తారు."

-జితేంద్ర సింగ్, పీఎంఓ సహాయమంత్రి