'మన్ ​కీ బాత్'​లో ఏం మాట్లాడాలో చెప్పండి: మోదీ

'మన్​ కీ బాత్' కార్యక్రమంలో ఈ సారి ఏ అంశంపై మాట్లాడాలో చెప్పాలని ప్రజలను కోరారు ప్రధానమంత్రి నరేంద్ర మోదీ. మీ సలహాలు, సూచనలు తెలియజేయాలని ట్విట్టర్​ వేదికగా పిలుపునిచ్చారు.

ఈ నెల 30న జరిగే 68వ 'మన్​ కీ బాత్'​ రేడియో కార్యక్రమంలో ఏ విషయంపై చర్చించాలో తెలపాలని దేశ ప్రజలను ట్విట్టర్​ వేదికగా కోరారు ప్రధానమంత్రి నరేంద్ర మోదీ. ప్రజల సలహాలు, సూచనల కోసం ఆత్రుతగా ఎదురుచూస్తున్నట్లు తెలిపారు.

"ఆగస్టు 30న జరగనున్న 'మన్ ​కీ బాత్'​ కార్యక్రమంలో ఏ అంశంపై మాట్లాడాలని మీరు భావిస్తున్నారు? మీ సందేశాన్ని 1800-11-7800 నంబర్​కి ఫోన్​ చేసి రికార్డు చేయండి. లేదా నమో యాప్, మైగౌట్ యాప్​లో రాయండి. మీ సలహాల కోసం ఎదురుచూస్తున్నా.. "

-ప్రధాని మోదీ ట్వీట్​.

ప్రతి నెల చివరి ఆదివారం 'మన్​ కీ బాత్' కార్యక్రమంలో పాల్గొంటున్నారు మోదీ. తన ఆలోచనలను ప్రజలతో పంచుకుంటున్నారు. గత నెలలో 'కార్గిల్​ విజయ్ దివస్'​ సందర్భంగా సైనికుల ధైర్య సాహసాల గురించి మాట్లాడారు. వారి త్యాగాలకు సంబంధించిన కథనాలను ఇతరులతో పంచుకోవాలని ప్రజలను కోరారు.