భూటాన్​లో రూపే కార్డ్​తో మోదీ షాపింగ్​

జన్​ధన్​ ఖాతాతో వచ్చే రూపే కార్డు... ఇకపై భూటాన్​లోనూ చెల్లుబాటు కానుంది. ఆ దేశ పర్యటనకు వెళ్లిన ప్రధాని నరేంద్రమోదీ... రూపే కార్డు సేవలను అధికారికంగా ప్రారంభించారు. ద్వైపాక్షిక బంధం బలోపేతంపై భూటాన్​ ప్రధానితో చర్చలు జరిపారు.

భూటాన్​ పర్యటనలో భాగంగా ఆ దేశ ప్రధాని లొతాయ్ షేరింగ్​తో సమావేశమయ్యారు భారత ప్రధాని నరేంద్ర మోదీ. ఇరుదేశాల మధ్య ద్వైపాక్షిక సంబంధాలు మరింత మెరుగుపరుచుకోవడంపై సుదీర్ఘంగా చర్చలు జరిపారు. పలు కీలక రంగాల్లో పరస్పర సహకారంపై సమాలోచనలు చేశారు.
మోదీ ఇప్పటివరకు రెండుసార్లు భూటాన్​లో పర్యటించారు. రెండోసారి ప్రధానిగా ఎన్నికైన తర్వాత తొలిసారి భూటాన్​ను సందర్శిస్తున్నారు.

రూపే కార్డు సేవలు ప్రారంభం

సెంటోకా డ్జోంగ్​లో ఒక వస్తువును కొనుగోలు చేసి భూటాన్​లో రూపే కార్డు సేవలను ప్రారంభించారు మోదీ. జలవిద్యుత్​ రంగంలో భారత్-భూటాన్‌ మధ్య సహకారానికి ఐదు దశాబ్దాలు పూర్తయిన సందర్భంగా స్టాంపుల్ని విడుదల చేశారు.

మీకు సహకరించడం గౌరవం..

భూటాన్​ లాంటి పొరుగుదేశం ఉండాలని ఎవరైనా కోరుకుంటారని మోదీ అన్నారు. ఆ దేశ అభివృద్ధిలో భాగస్వాములవడం గౌరవంగా భావిస్తున్నామని తెలిపారు.

ఇదీ చూడండి: భూటాన్​లో మోదీకి అడుగడుగునా బ్రహ్మరథం