టీమిండియా పోరాట పటిమ అద్భుతం: మోదీ

క్రికెట్​ ప్రపంచ కప్ సెమీఫైనల్​లో న్యూజిలాండ్​ చేతిలో భారత్​ ఓటమిపై ప్రధాన మంత్రి నరేంద్ర మోదీ స్పందించారు. ఫలితం నిరుత్సాహపరిచినా..  టోర్నీ మొత్తం టీమిండియా అద్భుత ప్రదర్శన చేసిందని కొనియాడారు. ​

క్రికెట్​ ప్రపంచకప్​ నుంచి భారత్​ నిష్క్రమణపై ప్రధానమంత్రి నరేంద్ర మోదీ స్పందించారు.న్యూజిలాండ్​తోసెమీఫైనల్​ మ్యాచ్​లో టీమిండియా ఓటమి నిరుత్సాహపరిచినా.. భారత జట్టు చివరి వరకు పోరాటం చేసిన తీరు అద్భుతమని కొనియాడారు.

టోర్నీ మొత్తం బ్యాటింగ్​, బౌలింగ్​, ఫీల్డింగ్​ విభాగాల్లో భారత జట్టు​ గొప్ప ప్రదర్శన చేసిందని ప్రశంసించారు ప్రధాని. జీవితంలో గెలుపు, ఓటములు సహజమని తెలిపారు. భవిష్యత్తులో టీమిండియా మంచి ప్రదర్శన చేయాలని ఆకాక్షించారు.

"'టీమిండియా పోరాట పటిమ అద్భుతం"

ఇదీ చూడండి: జడేజా, ధోనీ వీరోచిత ఇన్నింగ్స్​ వృథా... ఫైనల్లో కివీస్​