'జోషీ'కి పుట్టినరోజు శుభాకాంక్షలు తెలిపిన మోదీ

భాజపా అగ్రనేత మురళీ మనోహర్​ జోషీకి... ప్రధాని నరేంద్ర మోదీ పుట్టిన రోజు శుభాకాంక్షలు తెలిపారు. జాతీయ ప్రయోజనాలను కాపాడటం కోసం జోషీ ఎంతో నిబద్ధతతో పనిచేశారన్నారని ట్విట్టర్​లో పేర్కొన్నారు ప్రధాని.

కేంద్ర మాజీ మంత్రి, భాజపా సీనియర్ నేత మురళీ మనోహర్​ జోషీ పుట్టిన రోజు సందర్భంగా ఆదివారం ఆయన ఇంటికి వెళ్లి ప్రధాని నరేంద్ర మోదీ శుభాకాంక్షలు చెప్పారు. ఉత్తరాఖండ్​లోని నైనీతాల్​లో 1934లో జోషీ జన్మించారు.

అంతకు ముందు మనోహర్​ జోషీ గురించి పలు విషయాలను ట్విట్టర్​​ వేదికగా పంచుకున్నారు మోదీ. ఆయనతో చాలా సంవత్సరాలు కలిసి పనిచేసే అవకాశం తనకు దక్కిందన్నారు.

'జోషీ'ని కలిసిన మోదీ.. పుట్టినరోజు శుభాకాంక్షలు

"జోషీది సుదీర్ఘ రాజకీయ చరిత్ర. ఎంపీగా, కేంద్రమంత్రిగా జాతీయ ప్రయోజనాలను కాపాడటంలో ఆయన పాత్ర మరువలేనిది. నా లాంటి ఎంతో మంది కార్యకర్తలకు ఆయన మార్గనిర్దేశకుడు. భాజపాను విస్తరించేందుకు ఆయన ఎంతో కృషి చేశారు."

- ట్విట్టర్​లో మోదీ