'మహా' ప్రమాదంపై ప్రధాని మోదీ దిగ్భ్రాంతి

మహారాష్ట్ర నాసిక్ జిల్లాలో బస్సు-ఆటో ఢీకొని బావిలో పడ్డ ఘటనలో మృతుల సంఖ్య 26కు చేరింది. ప్రమాదంపై ప్రధాని నరేంద్ర మోదీ విచారం వ్యక్తం చేశారు. బాధిత కుటుంబాలకు సంతాపం తెలుపుతూ ట్వీట్​ చేశారు.

మహారాష్ట్ర నాసిక్​లో నిన్న జరిగిన ఘోర రోడ్డు ప్రమాద ఘటనపై ప్రధాని నరేంద్ర మోదీ దిగ్భ్రాంతి వ్యక్తం చేశారు. క్షతగాత్రులు త్వరగా కోలుకోవాలని, బాధిత కుటుంబాలకు సంతాపం తెలుపుతూ ట్వీట్ చేశారు.

ప్రధాని కార్యాలయం ట్వీట్​

" మహారాష్ట్ర నాసిక్​ జిల్లాలో జరిగిన ప్రమాదం దురదృష్టకరం. ఈ విచారకర సమయంలో బాధిత కుటుంబాలకు సానుభూతి తెలియజేస్తున్నా. గాయపడ్డవారు త్వరగా కోలుకోవాలి."
-ప్రధాని కార్యాలయం ట్వీట్​.

26కు చేరిన మృతులు

నాసిక్​ జిల్లా మెయిషీఫటాలో ప్రభుత్వ రవాణా సంస్థ బస్సు వేగంగా వచ్చి ఆటోను ఢీకొనగా రెండు వాహనాలు పక్కన ఉన్న బావిలో పడిపోయాయి. ఈ ఘటనలో మరణించిన వారి సంఖ్య 26కు చేరింది. క్షతగాత్రులకు ఆస్పత్రిలో చికిత్స అందిస్తున్నారు.

ప్రమాదంపై దిగ్ర్భాంతి వ్యక్తం చేసిన మహారాష్ట్ర ప్రభుత్వం.. మృతుల కుటుంబాలకు రూ.పది లక్షల చొప్పున పరిహారం ప్రకటించింది.

ఇదీ చూడండి: నాకు ఇష్టం లేదు.. సీఎం చెప్పారనే చదువుతున్నా: గవర్నర్