జమిలి ఎన్నికలపై 19న అఖిలపక్ష భేటీ

పార్లమెంటులో ప్రాతినిధ్యమున్న దేశంలోని అన్ని పార్టీల అధ్యక్షులతో ప్రధాని నరేంద్ర మోదీ భేటీ సమావేశం కానున్నారు. ఒకే దేశం- ఒకే ఎన్నికలు, దేశ 75వ స్వాత్రంత్య వేడుకలు సహా పలు అంశాలపై ఈనెల 19న చర్చించనున్నారు.

పార్లమెంటులో ప్రాతినిధ్యం వహిస్తోన్న పార్టీల అధ్యక్షులతో ప్రత్యేకంగా సమావేశం కావాలని నిర్ణయించింది కేంద్ర ప్రభుత్వం. ఆయా పార్టీల అధ్యక్షులకు లేఖలు రాసింది. ఈనెల 19న ప్రధాని నరేంద్ర మోదీ అధ్యక్షతన ఈ సమావేశం నిర్వహించనుంది.

పార్లమెంటరీ వ్యవహారాల మంత్రి ప్రహ్లాద్ జోషి మోదీ తరఫున లేఖ రాశారు.

సమావేశం అజెండా...

1. పార్లమెంటు ఔన్నత్యాన్ని పెంపొందించడం.
2. ఒకే దేశం- ఒకే ఎన్నికలు
3. 75 ఏళ్ల స్వాతంత్ర్యం సందర్భంగా నవభారత నిర్మాణం
4. మహాత్మాగాంధీ 150వ జయంతి వేడుకల నిర్వహణ.
5. వెనుకబడిన జిల్లాల అభివృద్ధి.

ఈ ఐదు అంశాలపై చర్చించేందుకు హాజరుకావాలని పార్టీ అధినేతలకు ఆహ్వానం పంపింది కేంద్రం.

• ఇదీ చూడండి: 'రామ మందిరం నిర్మించే సత్తా మోదీకి ఉంది'