త్రివేండ్రం అంతర్జాతీయ విమానాశ్రయం నిర్వహణను ప్రభుత్వ-ప్రైవేటు భాగస్వామ్యం(పీపీపీ) ద్వారా ప్రైవేటు సంస్థకు అప్పగించే నిర్ణయాన్ని పునఃపరిశీలించాలని కేంద్ర ప్రభుత్వాన్ని కోరింది కేరళ. ఈ మేరకు రాష్ట్ర అసెంబ్లీలో తీర్మానం ప్రవేశపెట్టారు ముఖ్యమంత్రి పినరయి విజయన్.
అంతకుముందు ఇదే విషయంపై ప్రధానమంత్రి నరేంద్ర మోదీకి లేఖ రాశారు విజయన్. ప్రైవేటు సంస్థలకు త్రివేండ్రం విమానాశ్రయ నిర్వహణ బాధ్యతల అప్పగింత నిర్ణయంపై పునఃపరిశీలించే అంశంలో కలుగజేసుకోవాలని కోరారు. అఖిలపక్ష పార్టీల సమావేశంలోనూ నేతలంతా విమానాశ్రయ నిర్వహణ రాష్ట్ర ప్రభుత్వం అధీనంలోనే ఉండాలని ఏకాభిప్రాయానికి వచ్చారని తెలిపారు.
వీడియో కాన్ఫరెన్స్ ద్వారా జరిగిన అఖిలపక్ష భేటీలో ఒక్క భాజపా మినహా.. మిగతా పార్టీలన్నీ కేంద్ర ప్రభుత్వ నిర్ణయాన్ని వ్యతిరేకించాయి.