ఆహార కొరత, పోషకాహార లోపం సమస్యలపై సుప్రీం కోర్టులో ప్రజాప్రయోజన వ్యాజ్యం దాఖలైంది. ఈ సమస్యను అధిగమించేందుకు అన్ని రాష్ట్రాలు, కేంద్ర పాలిత ప్రాంతాల్లో కమ్యూనిటీ ఆహార కేంద్రాలను ఏర్పాటు చేసేందుకు ఆదేశాలివ్వాలని కోరారు పిటిషనర్లు.
సామాజిక కార్యకర్తలు అరుణ్ ధావన్, ఇషాన్ ధావన్, కుంజనా సింగ్లు దాఖలు చేసిన ఈ వ్యాజ్యంపై సుప్రీం న్యాయమూర్తి జస్టిస్ ఎన్వీ రమణ నేతృత్వంలోని ధర్మాసనం నేడు విచారణ జరపనుంది.
ఆహార గిడ్డంగులు...
ఆకలి, పోషకాహార లోపంతోఐదేళ్లలోపు చిన్నారులు ప్రతి రోజు ఎంతో మంది మరణిస్తున్నారని పిటిషన్లో పేర్కొన్నారు. అది ప్రజల ప్రాథమిక హక్కులను ఉల్లఘిస్తోందని తెలిపారు. ఈ పరిస్థితిని అడ్డుకునేందుకు జాతీయ ఆహార గిడ్డంగులు ఏర్పాటు చేయాలని, ప్రస్తుతమున్న పంపిణీ విధానం పరిధిని విస్తరించాలని విన్నవించారు.
ఆంధ్రప్రదేశ్, ఉత్తరాఖండ్, ఒడిశా, ఝార్ఖండ్, దిల్లీలలో ఉన్న రాయితీ భోజన పథకాలను ఇందుకు ఉదాహరణగా చూపించారు.
ఆకలి మరణాలను నిర్మూలించేందుకు కొత్త పథకాన్ని రూపొందించి.. జాతీయ న్యాయ సేవా అథారిటీని ఆదేశించాలని వ్యాజ్యంలో పేర్కొన్నారు.
ఇదీ చూడండి: చంద్రయాన్-2కు ఆఖరి కక్ష్య కుదింపు
