వీరి అత్మస్థైర్యానికి సాటిలేదు- కళకు ఎదురులేదు!

జైపుర్​లోని జవహర్​ కళా కేంద్రం వేదికగా జరిగిన 'లోక్​రంగ్​' కార్యక్రమంలో పాల్గొన్న 'వీ ఆర్​ వన్​' దివ్యాంగులు  బృందం అదరగొట్టింది. ఎన్ని సమస్యలున్నా తమను ఎవరు ఆపలేరని చాటిచెప్పింది. వీరు చేసిన అద్భుత ప్రదర్శనకు వీక్షకులు మంత్రముగ్ధులయ్యారు.

మనిషి తలుచుకుంటే సాధించలేనిది ఏదీ లేదు అని ఎన్నోసార్లు నిరూపితమైంది. అవయవాలు లేకపోయినా కన్నీరు పెట్టకుండా.. మనో ధైర్యంతో అవరోధాలను అధిగమించారు ఎందరో దివ్యాంగులు. రాజస్థాన్​లో జరిగిన ఓ నృత్య కార్యక్రమం ఇందుకు ఓ ఉదాహరణ.

జైపుర్​లోని జవహర్​ కళా కేంద్రంలో 'లోక్​రంగ్​' వేడుకలు ఘనంగా జరుగుతున్నాయి. ఈ కార్యక్రమంలో నృత్య ప్రదర్శన చేసిన కొందరు దివ్యాంగులు.. తమ కళతో ప్రేక్షకులను కట్టిపడేశారు. భరత నాట్యం, శివతాండవం వంటి నృత్యాలు ప్రదర్శించి వీక్షకుల మనసు దోచుకున్నారు.

వీరందరు 'వీ ఆర్​ వన్​' సంస్థకు చెందిన వారు. చక్రాల కుర్చీపై కూర్చుని వీరు సృష్టించిన అద్భుతానికి ప్రేక్షకులు మంత్రముగ్ధులయ్యారు. వీరు మాట్లాడలేరు, వినలేరు, వీరి కాళ్లు కదలవు. అయినా వీరి అత్మస్థైర్యానికి అందురు ఫిదా అయిపోయారు.

ఇదీ చూడండి:-అతి త్వరలో మోదీ-ఇమ్రాన్​ భేటీ..!