'2021 ఎన్నికల్లో అద్భుతం'.. రజనీ సంచలన వ్యాఖ్యలు

తమిళనాడు ప్రజలు రానున్న 2021 అసెంబ్లీ ఎన్నికల్లో అద్భుతాన్ని సృష్టిస్తారని సంచలన వ్యాఖ్యలు చేశారు సూపర్​స్టార్​ రజనీకాంత్​. మక్కల్ ​నీది మయ్యం (ఎంఎన్​ఎం) పార్టీ వ్యవస్థాపకుడు కమల్​ హాసన్​తో జట్టుకట్టేందుకు సుముఖత వ్యక్తం చేశారు. రజనీ వ్యాఖ్యల్లోని అర్థం.. అధికార అన్నాడీఎంకే పార్టీ మరోమారు అధికారంలోకి రావడమేనని పేర్కొన్నారు ముఖ్యమంత్రి పళనిస్వామి.

తమిళనాడు రాజకీయాలపై కీలక వ్యాఖ్యలు చేశారు సూపర్​స్టార్​ రజనీకాంత్​. రానున్న శాసనసభ ఎన్నికల్లో ప్రధాన పాత్ర పోషించనున్నట్లు స్పష్టమైన సంకేతాలిచ్చారు. 'మక్కల్​ నీది మయ్యం' పార్టీ వ్యవస్థాపకుడు కమల్​ హాసన్​తో జట్టుకట్టేందుకు సుముఖత వ్యక్తం చేశారు రజనీ. ఈ సందర్భంగా.. 2021 ఎన్నికల్లో తమిళ ప్రజలు అద్భుతాలు సృష్టిస్తారని వ్యాఖ్యానించారు.

"2021లో తమిళనాడు ప్రజలు.. రాజకీయాల్లో 100 శాతం ఒక పెద్ద అద్భుతాన్ని సృష్టిస్తారు."

- రజనీకాంత్​

ఎంఎన్​ఎం పార్టీతో భాగస్వామ్యం, ఎవరు ముఖ్యమంత్రి అనే విషయాలపై ఎన్నికల సమయంలోనే నిర్ణయం తీసుకుంటామని స్పష్టం చేశారు రజనీ.

అన్నాడీఎంకే అధికారంలోకి రావడమే 'అద్భుతం'

2021 అసెంబ్లీ ఎన్నికల్లో తమిళనాడు ప్రజలు అద్భుతాన్ని సృష్టిస్తారని రజనీకాంత్​ చేసిన వ్యాఖ్యలపై వ్యంగ్యాస్త్రాలు సంధించారు ముఖ్యమంత్రి పళనిస్వామి. రజనీ మాటల్లోని అర్థం.. రానున్న ఎన్నికల్లో అధికార అన్నాడీఎంకే పార్టీ వరుసగా మూడోసారి అధికారంలోకి రావడమే అద్భుతమని పేర్కొన్నారు.

ఇవీ చూడండి:కమల్​-రజనీపై అన్నాడీఎంకే 'టామ్ అండ్​ జెర్రీ' పంచ్