సభలో సత్ప్రవర్తనతో వ్యవహరించాలి: రాష్ట్రపతి

సభల్లో అసభ్యకరమైన భాష వాడకుండా చర్చలు జరగాలని రాష్ట్రపతి రామ్​నాథ్​ కోవింద్ ఆకాంక్షించారు. ప్రజల అంచనాలకు కట్టుబడి ఉండటం ప్రజాప్రతినిధుల ప్రధాన కర్తవ్యమని పేర్కొన్నారు. 80వ అఖిల భారత స్పీకర్ల సదస్సు కార్యక్రమంలో ఆయన పాల్గొన్నారు.

పార్లమెంట్​లో, అసెంబ్లీలో అర్థవంతమైన చర్చల్లో ప్రజాప్రతినిధులు పాల్గొనాలని రాష్ట్రపతి రామ్​నాథ్​ కోవింద్​ సూచించారు. చర్చల్లో అసభ్యకరమైన భాష మాట్లాడితే.. ఇతర సభ్యుల మనోభావాలను దెబ్బతింటాయని అభిప్రాయపడ్డారు.

80వ అఖిల భారత స్పీకర్ల సదస్సును గుజరాత్ కేవడియాలో ప్రారంభించిన అనంతరం.. ఆయన ప్రసంగించారు

" ప్రజాస్వామ్య విలువలకు ప్రజాప్రతినిధులు కట్టుబడి ఉంటారని ప్రజలు ఆశిస్తారు. ప్రజల ఆశలను సాకారం చేయడమే ప్రజాప్రతినిధుల ప్రధాన కర్తవ్యం. తాము ఎన్నుకున్న నేత.. సభలో అసభ్యకరంగా మాట్లాడితే ప్రజలు అసహనానికి లోనవుతారు. "

-- రామ్​నాథ్​ కోవింద్, రాష్ట్రపతి

సభలో ఆరోగ్యకరమైన వాతావరణంలో చర్చలు జరిగేలా సభాపతులు బాధ్యత వహించాలని రామ్​నాథ్​ కోవింద్​ కోరారు. ప్రజాస్వామ్య విధానంలో అధికార పక్షంతో పాటు ప్రతిపక్షానికీ ప్రధాన పాత్ర ఉంటుందని ఆయన పేర్కొన్నారు. ఇరు పక్షాల మధ్య సహకారం, అర్థవంతమైన ధోరణిలో ఆలోచనల మార్పిడి జరగాలని అభిప్రాయపడ్డారు.

ఇదీ చూడండి:'అధికారంలోకి వచ్చాక పోలీసుల సంగతి చూస్తాం!'