పార్లమెంటు వర్షాకాల సమావేశాలను ఆగస్టు చివరి వారం లేదా సెప్టెంబర్ మొదటివారంలో నిర్వహించాలని కేంద్రం భావిస్తున్నట్లు అధికారవర్గాలు తెలిపాయి. ఈ సమావేశాలకు ఎంపీలందరూ నేరుగా హాజరయ్యేలా ప్రణాళికలు రచిస్తున్నట్లు వెల్లడించాయి. అయితే.. కరోనా రోజురోజుకీ విజృంభిస్తున్న వేళ తుది నిర్ణయం ఇంకా తీసుకోలేదని స్పష్టం చేశాయి.
కరోనా మహమ్మారి విజృంభిస్తున్న వేళ.. సభలో భౌతికదూరం నిబంధన పాటించడం సవాలుతో కూడిన పనే అవుతుంది. ఇప్పటికే అనేక ఆర్డినెన్స్‌లు ఇచ్చిన కేంద్రం.. వాటిని పార్లమెంటులో ఆమోదించుకోవాల్సి ఉంది. పార్లమెంటు ప్రతి రెండు సమావేశాల మధ్య.. ఆరు నెలలకు మించి సమయం ఉండకూడదు. దాంతో సెప్టెంబర్ 22లోగా సభ సమావేశం కావడం అనివార్యమని అధికారులు చెబుతున్నారు.