పార్లమెంట్ కాంప్లెక్స్లో మరోసారి శానిటైజేషన్ కార్యక్రమం నిర్వహించారు. ఇటీవల రాజ్యసభ సచివాలయ ఉద్యోగికి కరోనా నిర్ధరణ కావడం వల్ల.. పార్లమెంట్ లోపల, వెలుపలి ప్రాంతాలతో సహా వ్యక్తిగత కార్యాలయాలు, విశ్రాంతి గదులు, ఉమ్మడి ప్రాంతాలను శానిటైజేషన్ చేశారు. సోడియం హైడ్రోక్లోరైడ్ వంటి బలమైన క్రిమిసంహారక రసాయనాలతో పిచికారీ చేసినట్లు అధికారులు తెలిపారు.
రాజ్యసభ సచివాలయంలో ఇటీవల ఓ ఉద్యోగికి కరోనా సోకినందున... కొందరు సిబ్బందిని ఇంటి వద్ద నుంచే విధులు నిర్వహించాలని పార్లమెంట్ ఉత్తర్వులు జారీచేసింది. ఉద్యోగులకు పక్కాగా స్క్రీనింగ్ పరీక్షలు నిర్వహించాకే పార్లమెంట్ భవనంలోకి అనుమతించాలని పేర్కొంది. పార్లమెంట్ కాంప్లెక్స్ ప్రవేశానికి ముందే వాహనాలకు కూడా శానిటైజేషన్ నిర్వహించాలని స్పష్టం చేసింది.