విదేశీ విరాళాల బిల్లుకు పార్లమెంటు ఆమోదం

మరో కీలక బిల్లుకు పార్లమెంటు ఆమోద ముద్ర వేసింది. ఇప్పటికే లోక్​సభలో నెగ్గిన విదేశీ విరాళాల చట్ట సవరణ బిల్లుకు.. తాజాగా రాజ్యసభ అంగీకారం తెలిపింది. స్వచ్ఛంద సంస్థల రిజిస్ట్రేషన్​ ససయంలో నిర్వాహకులు ఆధార్​ వివరాలు తప్పనిసరిగా తెలియజేయాలని ఈ బిల్లులో ప్రతిపాదించారు.

విదేశీ విరాళాల క్రమబద్ధీకరణ చట్ట సవరణ బిల్లు-2020కు పార్లమెంటు ఆమోదం తెలిపింది. ఇప్పటికే ఈ బిల్లు లోక్​సభలో సోమవారం నెగ్గగా.. తాజాగా రాజ్యసభలో పాసైంది.

ఈ బిల్లు ప్రకారం.. స్వచ్ఛంద సంస్థ (ఎన్​జీఓ)లు రిజిస్ట్రేషన్ సమయంలో ఆయా సంస్థల కార్యనిర్వాహకులు తమ ఆధార్​ వివరాలను తప్పనిసరిగా తెలియజేయాల్సి ఉంటుంది. ప్రభుత్వ ఉద్యోగులకు విదేశీ నిధులు అందడాన్ని నిరోధిస్తుంది.

ఎంపీల సస్పెన్షన్​ నేపథ్యంలో విపక్ష నేతలు రాజ్యసభ సమావేశాలను బహిష్కరించారు. ఈ నేపథ్యంలో విదేశీ విరాళాల బిల్లును ఏకగ్రీవంగా ఆమోదం లభిచింది.

ఇదీ చూడండి:పార్లమెంటు వర్షాకాల సమావేశాలు నేటితో ముగింపు!