13:45 February 04
రాజ్యసభలో నిర్భయ కేసు ప్రస్తావన
నిర్భయ కేసుకు సంబంధించి రాజ్యసభలో ఆమ్ఆద్మీ పార్టీ ప్రస్తావించింది. దోషులకు మరణ శిక్ష అమలులో జరుగుతోన్న జాప్యంపై ఆక్షేపించారు ఆ పార్టీ ఎంపీ సంజయ్ సింగ్. ఈ విషయంలో రాష్ట్రపతి లేదా భారత ప్రధాన న్యాయమూర్తి జోక్యం చేసుకోవాలని ఆయన డిమాండ్ చేశారు.
సంజయ్ సింగ్ లేవనెత్తిన అంశంపై ఛైర్మన్ వెంకయ్యనాయుడు స్పందించారు. ఇది చాలా సున్నితమైన విషయమని.. కోర్టు తీర్పును త్వరగా అమలు చేయాలని వ్యాఖ్యానించారు.
13:06 February 04
రాజ్యసభ వాయిదా
రాజ్యసభను మధ్యాహ్నం 2 గంటల వరకు వాయిదా వేశారు ఛైర్మన్ వెంకయ్యనాయుడు.
12:43 February 04
మేమే అసలైన గాంధీ భక్తులం: భాజపా
భాజపా పార్టీని రావణ రాజ్యమంటూ కాంగ్రెస్ సభాపక్ష నేత అధీర్ రంజన్ చౌదురి వ్యాఖ్యలను తిప్పికొట్టారు పార్లమెంటరీ వ్యవహారాల మంత్రి ప్రహ్లాద్ జోషి.
"భారతీయ జనతా పార్టీకి చెందిన మేము.. అసలైన దేశభక్తులం. మహాత్మాగాంధీకి మేమే అసలైన అనుచరులం. వీళ్లంతా నకలీ గాంధీలైన సోనియా గాంధీ, రాహుల్ గాంధీ అనుచరులు."
- ప్రహ్లాద్ జోషి, కేంద్ర మంత్రి
12:28 February 04
కాంగ్రెస్ సభ్యుల వాకౌట్
లోక్సభలో విపక్షాల నిరసన తారస్థాయికి చేరింది. మహాత్మాగాంధీని అధికార పార్టీ నేత దుర్భాషలాడారని కాంగ్రెస్ సభాపక్షనేత అధీర్ రంజన్ చౌదురి ఆరోపించారు. దీనిపై చర్చించాలని కోరగా స్పీకర్ ఓంబిర్లా తిరస్కరించారు. ఈ నేపథ్యంలో కాంగ్రెస్ పార్టీ నేతలు వాకౌట్ చేశారు.
మహాత్మాగాంధీపై భాజపా నేత అనంత్కుమార్ హెగ్డే వ్యాఖ్యలను కాంగ్రెస్ సహా పలు విపక్ష పార్టీలు ఖండించాయి. హెగ్డే క్షమాపణలు చెప్పాలని డిమాండ్ చేశారు.
11:56 February 04
రాజ్యసభలో కొనసాగుతోన్న విపక్షాల ఆందోళన
పౌరసత్వ సవరణ చట్టం, ఎన్ఆర్సీకి వ్యతిరేకంగా విపక్ష సభ్యులు ఆందోళన కొనసాగిస్తున్నారు. సభా కార్యక్రమాలు జరుగుతున్నా.. చట్టానికి వ్యతిరేకంగా నినాదాలు చేస్తూనే ఉన్నాయి విపక్షాలు.
11:38 February 04
ఎన్ఆర్సీపై ఎలాంటి నిర్ణయం తీసుకోలేదు: కేంద్ర హోంశాఖ
జాతీయ పౌర పట్టికను దేశవ్యాప్తంగా అమలు చేసే విషయంలో ఇంకా ఎలాంటి నిర్ణయం తీసుకోలేదని కేంద్ర హోంశాఖ స్పష్టం చేసింది. లోక్సభలో అడిగిన ప్రశ్నకుగాను హోంశాఖ సహాయ మంత్రి నిత్యానంద్ రాయ్ ఈ మేరకు రాతపూర్వకంగా సమాధానమిచ్చారు.
11:27 February 04
రాజ్యసభలో 'దిల్లీ కాల్పుల'పై గందరగోళం
దిల్లీలో ఇటీవల జరిగిన కాల్పుల ఘటనలపై విపక్ష సభ్యులు ఆందోళన వ్యక్తం చేశారు. అధికార సభ్యులు వివిధ అంశాలపై ప్రసంగిస్తున్నా.. గోలీ చలానా బంద్ కరో (తూటా పేల్చటం ఆపేయండి) అంటూ విపక్ష సభ్యులు నినాదాలు చేశారు.
11:17 February 04
లోక్సభలో 'హెగ్డే' వ్యాఖ్యల దుమారం-వాయిదా
మహాత్మాగాంధీపై భాజపా ఎంపీ అనంతకుమార్ హెగ్డే చేసిన వ్యాఖ్యలు లోక్సభ దుమారం లేపాయి. విపక్షాల ఆందోళనల నేపథ్యంలో లోక్సభను మధ్యాహ్నం 12 గంటల వరకు వాయిదా వేశారు సభాపతి.
11:11 February 04
పార్లమెంటులో నేడు..
లోక్సభ: ఎయిర్క్రాఫ్ట్ సవరణ చట్టం-2020ను ప్రవేశపెట్టనున్న కేంద్రం
రాజ్యసభ: రాష్ట్రపతి ప్రసంగానికి ధన్యవాద తీర్మానం
10:59 February 04
'ఒకే దేశం-ఒకే ఎన్నిక' పై భాజపా ఎంపీ నోటీసు
రాజ్యసభ శూన్య గంటలో 'దేశంలో జమిలీ ఎన్నికల అవసరం'పై చర్చించాలని భాజపా ఎంపీ సరోజ్ పాండే నోటీసు ఇచ్చారు.
10:54 February 04
హెగ్డే వ్యాఖ్యలపై వాయిదా తీర్మానం
మహాత్మాగాంధీపై భాజపా నేత అనంతకుమార్ హెగ్డే చేసిన వ్యాఖ్యలపై పలువురు కాంగ్రెస్ ఎంపీలు.. లోక్సభలో వాయిదా తీర్మానాన్ని ప్రవేశపెట్టారు. కాంగ్రెస్ ఎంపీలు గౌరవ్ గొగొయి, కె.సురేశ్, అబ్దుల్ ఖాలీఖ్ హెగ్డే వ్యాఖ్యలను ఖండించారు.
10:48 February 04
లోక్సభలో కాంగ్రెస్ వాయిదా తీర్మానం
లోక్సభలో కాంగ్రెస్ ఎంపీలు వాయిదా తీర్మానాన్ని ప్రవేశపెట్టారు. పౌరచట్టం కారణంగా దేశంలో భయానక వాతావరణం ఏర్పడిందని ఎంపీలు అధిర్ రంజన్ చౌదురి, మాణికం ఠాగూర్ ఆరోపించారు.
09:39 February 04
భాజపా పార్లమెంటరీ పార్టీ భేటీ
పార్లమెంటు భవనంలో భాజపా పార్లమెంటరీ పార్టీ సమావేశం జరిగింది. భేటీకి ప్రధాని నరేంద్ర మోదీతో పాటు కీలక నేతలు హాజరయ్యారు. బడ్జెట్తోపాటు పౌరచట్టానికి సంబంధించి ప్రతిపక్షాలను ఎలా ఎదుర్కోవాలన్న విషయంపై చర్చించినట్లు సమాచారం.