18 మంది భారత మత్స్యకారులను అరెస్టు చేసిన పాక్

అరేబీయా సముద్రంలో తమ సరిహద్దులోకి ప్రవేశించారనే ఆరోపణలతో 18 మంది భారతీయ మత్స్యకారులను పాక్​ అధికారులు అదుపులోకి తీసుకున్నారు. మొత్తం మూడు బోట్లను సీజ్​ చేసినట్లు తెలుస్తోంది.

గుజరాత్​ తీరంలో 18 మంది భారతీయ మత్స్యకారులను పాకిస్థాన్​ మారిటైమ్ సెక్యూరిటీ ఏజెన్సీ అధికారులు అదుపులోకి తీసుకున్నారు. భారత్​కు చెందిన మూడు బోట్​లను సీజ్​ చేశారు.

ఖచ్​ జిల్లా.. జకూ కోస్ట్​ దగ్గర అరేబీయా సముద్రంలోని అంతర్జాతీయ సరిహద్దు వద్ద వారిని అదుపులోకి తీసుకున్నట్లు ఫిషర్​మాన్స్​ అసోసియేషన్​ అధ్యక్షుడు జీవన్​ జుంగీ తెలిపారు. పాక్​ సరిహద్దులోకి ప్రవేశించినందుకే వారిని అరెస్టు చేసినట్లు చెప్పారు. 18 మంది భారత మత్స్యకారులను, మూడు బోట్లను 5వ తేదీన కరాచీ పోర్ట్​కు తీసుకువెళ్లనున్నట్లు వెల్లడించారు. ఆగస్టు 15న చేపలు పట్టే కొత్త సీజన్ ప్రారంభమైన తర్వాత మత్స్యకారులను పట్టుకోవడం ఇదే తొలి సారని ఆయన అన్నారు.

ఇదీ చూడండి:'ఐపీసీ, సీఆర్​పీసీల సవరణకు సూచనలివ్వండి'