ప్రపంచమంతా కరోనా సంక్షోభంలో చిక్కుకుపోయిన వేళ భారత సరిహద్దుల వెంబడి మాదక ద్రవ్యాల అక్రమ రవాణాను పాకిస్థాన్ ప్రోత్సహిస్తోంది. నిషేధిత మత్తు పదార్థాలతోపాటు ఉగ్రవాద చొరబాట్లకు ఊతమిస్తోంది.
భద్రతా దళాల నివేదిక ప్రకారం.. భారత్, పాక్ సరిహద్దుల్లో హెరాయిన్, గంజాయి తదితర డ్రగ్స్ రవాణా భారీగా పెరిగినట్లు తెలుస్తోంది. బీఎస్ఎఫ్, పారామిలిటరీ బలగాలు స్వాధీనం చేసుకున్న ఘటనలు కూడా గతేడాది చివరి ఆరు నెలలతో పోలిస్తే 2020 జూన్ 15 వరకు 47 శాతం అధికంగా నమోదయ్యాయి.
నిషేధిత ఔషధాలూ..
ఈ ఏడాదిలో ఇప్పటివరకు 200 కిలోల హెరాయిన్ను బీఎస్ఎఫ్ స్వాధీనం చేసుకున్నట్లు తెలుస్తోంది. అన్ని రకాల డ్రగ్స్ కలిపి చూస్తే 6,886 కిలోలు ఉన్నట్లు తెలుస్తోంది. వీటిల్లో యాబా మాత్రలతో పాటు నిషేధిత దగ్గు మందు ఫిన్సెడైల్ కూడా ఉన్నట్లు సమాచారం. గతేడాది పాక్, బంగ్లా సరిహద్దుల్లో 11,700 కిలోల డ్రగ్స్ను స్వాధీనం చేసుకున్నట్లు ప్రభుత్వ గణాంకాలు చెబుతున్నాయి.
నూతన సంవత్సర వేడుకల సమయంలో డ్రగ్స్కు సాధారణంగానే భారీ డిమాండ్ ఉంటుంది. భారత్లో డ్రగ్స్ స్మగ్లింగ్ ద్వారా ఆర్జించిన సొమ్ముతో పాక్ ఉగ్రవాదాన్ని పోషిస్తోందని భారత భద్రత, నిఘా సంస్థల చెబుతున్నాయి.
ఇదీ చూడండి:'భారత్లోకి చొరబడేందుకు 300లకుపైగా ఉగ్రవాదులు రెడీ'
