దేశప్రజలకు ప్రాథమిక ఆరోగ్య సేవలను చేరువ చేసేందుకు ఆయుష్మాన్ భారత్ ఆరోగ్య సంరక్షణ కేంద్రాలను అందుబాటులోకి తీసుకొచ్చింది కేంద్రం. ప్రస్తుతం దేశవ్యాప్తంగా 50వేల 25 కేంద్రాల ద్వారా సేవలు అందిస్తున్నట్లు పేర్కొంది. 2022 నాటికి మొత్తం 1.5లక్షల ఆయుష్మాన్ భారత్ ఆరోగ్య సంరక్షణ కేంద్రాలను ఏర్పాటు చేయనున్నట్లు తెలిపింది.
మొత్తం 678 జిల్లాల్లో 27,890 ఉప ఆరోగ్య కేంద్రాలు, 18వేల 536 ప్రాథమిక ఆరోగ్య కేంద్రాలు, 3వేల 599 పట్టణ ప్రాథమిక కేంద్రాలు ఉన్నట్లు కేంద్ర ఆరోగ్య శాఖ స్పష్టం చేసింది. ఈ ఆరోగ్య కేంద్రాల ద్వారా ఇప్పటివరకు 28.10 కోట్ల మందికి సేవలందించినట్లు పేర్కొంది. వారిలో 53శాతం మంది మహిళలు ఉన్నట్లు వెల్లడించింది. 6.43 కోట్ల మందికి రక్తపోటు పరీక్షలు, 5.23 కోట్ల మందికి మధుమేహం , 6.14 కోట్ల మందికి క్యాన్సర్ పరీక్షలు నిర్వహించినట్లు తెలిపింది.