మోదీ వస్తువుల వేలం షురూ.. మీరూ పొల్గొనండిలా...

నమామి గంగే ప్రాజెక్టు కోసం నిధులు సమీకరించేందుకు ప్రభుత్వం... ప్రధాని నరేంద్ర మోదీకి వచ్చిన బహుమతులను వేలం వేస్తోంది. నేటి నుంచి అక్టోబర్​ మూడు వరకు జరిగే ఈ వేలంలో ఎవరైనా పాల్గొనవచ్చు. వీటి కనీస ధర రూ.200 నుంచి రెండున్నర లక్షలుగా నిర్ణయించారు.

ప్రధానమంత్రి నరేంద్ర మోదీ గతేడాది కాలంగా స్వీకరించిన బహుమతుల ప్రదర్శన, వేలం ప్రక్రియలను కేంద్ర సాంస్కృతికశాఖ మంత్రి ప్రహ్లాద్​ జోషి ప్రారంభించారు. బహుమతుల వేలం ద్వారా వచ్చిన నిధులను 'నమామి గంగే ప్రాజెక్టు' పనులకు వినియోగించనున్నారు. ఈ వేలంలో ప్రజలు పాల్గొనాలని స్వయంగా ప్రధాని నరేంద్ర మోదీ కోరారు.

వేలంలో మీరూ పాల్గొనవచ్చు

మోదీకి బహుమతులుగా వచ్చిన జ్ఞాపికలు, శాలువాలు, తలపాగాలు, జాకెట్లు సహా 2,700 బహుమతులను ఈ దఫా వేలం వేస్తున్నారు. నేషనల్​ గ్యాలరీ ఆఫ్​ మోడ్రన్​ ఆర్ట్​ ఈ వేలాన్ని నిర్వహిస్తోంది. నేటి నుంచి అక్టోబర్ 3 వరకు www.pmmementos.gov.in వెబ్​సైట్ ద్వారా ఎవరైనా ఈ వేలంలో పాల్గొనవచ్చు. ఈ బహుమతుల కనీస ధర రూ.200 నుంచి గరిష్ఠంగా రెండున్నర లక్షల రూపాయలుగా నిర్ణయించారు.

జనవరిలో ప్రధాని మోదీ అందుకున్న బహుమతులను ఒకసారి వేలం వేశారు.

ప్రదర్శన

దిల్లీలోని నేషనల్​ గ్యాలరీ ఆఫ్​ మోడ్రన్ ఆర్ట్​ (ఎన్​జీఎమ్​ఏ)లో ఉదయం 11 గంటల నుంచి రాత్రి 8 గంటల వరకు మోదీ జ్ఞాపికల ప్రదర్శన జరుగుతుంది. ఇందులో మోదీకి వచ్చిన 500 జ్ఞాపికలు, దుస్తులు, చిత్రాలు, శిల్పాలను 'స్మృతి చిహ్న్​' పేరుతో ప్రదర్శిస్తారు. ప్రదర్శనలో ప్రతివారం వస్తువులను మారుస్తారు.

మోదీ బహుమతుల ప్రదర్శన

మోదీ 'స్మృతి చిహ్న్​' ప్రదర్శన

నేషనల్​ గ్యాలరీ ఆఫ్​ ఆర్ట్​లో ప్రదర్శన

మోదీకి వచ్చిన బహుమతుల ప్రదర్శన

ఇదీ చూడండి: ఆన్​లైన్​కొస్తే ప్రేమ పుట్టింది.. ఇంటికొస్తే పెళ్లైపోయింది!