దేశంలో ఎన్నో 'నిర్భయ' కేసులు... శిక్షలేవి?

దేశరాజధానిలో ఏడేళ్ల క్రితం జరిగిన నిర్భయ అత్యాచార ఘటన అనంతరం చట్టాలను కఠినతరం చేసినట్లు చెబుతున్నా.. అత్యాచార కేసుల్లో 32.2 శాతం దోషులకే శిక్షపడుతున్నట్లు జాతీయ నేర నమోదు విభాగం స్పష్టం చేస్తోంది. 2017లో మొత్తం 1,46,201 అత్యాచార కేసులు నమోదు కాగా.. 5,822 కేసుల్లో మాత్రమే దోషలకు శిక్షపడటం ఆందోళన కలిగిస్తోంది.

నిన్న నిర్భయ.. నేడు దిశ.. ఇలా దేశంలో మహిళలపై జరుగుతున్న ఆఘాయిత్యాలు రోజురోజుకు పెరుగుపోతున్నాయి. కానీ ఆడవారిపై అకృత్యాలకు పాల్పడుతున్న మృగాళ్లను శిక్షించే విషయంలో దేశం విఫలమవుతున్నట్టు మరోసారి రుజువైంది. 2017 ఏడాదిలో జరిగిన అత్యాచార ఘటనల వివరాలను బయటపెట్టిన జాతీయ నేర నమోదు విభాగం(ఎన్​ఆర్​సీబీ).. దోషులకు శిక్షపడిన కేసుల శాతం 32.2 మాత్రమేనని వెల్లడించింది.

2012లో దిల్లీలో జరిగిన నిర్భయ అత్యాచర ఘటన అప్పట్లో దేశ వ్యాప్తంగా సంచలనం రేపింది. ఆ భయానక ఘటన జరిగి రేపటికి ఏడేళ్లు. మహిళలపై వేధింపుల చట్టాలను 2012 తర్వాత కఠినతరం చేసినట్లు ప్రభుత్వాలు చెబుతున్నా... అత్యాచార కేసుల్లో దోషులకు శిక్షపడిన సందర్భాలు మాత్రం చాలా తక్కువేనని ఈ గణాంకాలు పరిశీలిస్తే స్పష్టమవుతోంది.

2017 ఏడాది వివరాల మేరకు మొత్తం 1,46,201 అత్యాచార కేసులు నమోదయ్యాయి. వాటిలో 5,822 కేసుల్లో మాత్రమే దోషులకు శిక్షపడింది.

మహిళలపై జరుగుతున్న అకృత్యాలపై ఛార్జ్​షీట్​ కూడా సరిగ్గా నమోదు కావడం లేదు. అత్యాచార కేసుల్లో నమోదైన ఛార్జ్​షీట్ల శాతం 2013లో 95.4గా ఉండగా... 2017కు 86.6శాతానికి పడిపోయింది. ఫలితంగా.. అనేక కేసులు కోర్టు మెట్లు కూడా ఎక్కడం లేదు.

అవినీతే కారణం..

అవినీతి కారణంగానే అత్యాచార కేసు ఛార్జ్​షీట్​లు నమోదు కావట్లేదని న్యాయవాది అల్వార్ శిల్పి జైన్ అన్నారు. ఒడిశా మాజీ డీజీపీ బీబీ మొహంతీ కుమారుడు నిందితుడుగా ఉన్న అల్వార్ అత్యాచార కేసు బాధితురాలి తరఫున వాదించారు ఆమె.

ఛార్జ్​షీట్​ దాఖలు చేసే అధికారుల అనుభవ లేమి, అధికార అహం, భారీ అవినీతి కారణంగానే అత్యాచార కేసుల్లో దోషులకు శిక్ష పడట్లేదని శిల్పి జైన్ చెప్పారు. ఛార్జ్​షీట్​ దాఖలుకు సబ్ ఇన్​స్పెక్టర్​కే అత్యున్నత అధికారులుండటం కేసుల నాణ్యతను తెలియజేస్తున్నాయని అభిప్రాయం వ్యక్తం చేశారు.

అత్యాచార కేసులను వాదించే జిల్లా స్థాయి న్యాయవాదులకు సరైన సామర్థ్యం, మార్గనిర్దేశం లేకపోవడం వంటి అంశాలు.. కేసుల దర్యాప్తును ప్రభావితం చేస్తున్నాయని శిల్పి జైన్​ అన్నారు.

నిర్భయ నుంచి...

దిల్లిలో 2012 డిసెంబరు 16న 23ఏళ్ల పారా మెడికల్ విద్యార్థిని నిర్భయను బస్సులో కిరాతకంగా అత్యాచారం చేసి రోడ్డుపై పడేశారు ఆరుగురు మృగాళ్లు. సింగ్​పూర్​లోని ఆస్పత్రిలో చికిత్స పొందుతూ డిసెంబర్​ 29న ఆమె మరణించింది.

ఆ తర్వాత కొద్ది రోజలకు నేర చట్టాలను సమీక్షించింది జేఎస్ వర్మ కమిటీ. లైంగిక దాడి కేసులలో అత్యధికంగా ఉన్న జీవితకాల కారాగార శిక్షకు బదులు మరణ శిక్ష విధించేలా 2013లో చట్టాన్ని తీసుకువచ్చింది కేంద్రం.

ఇదీ చూడండి: 'పౌర' చట్టంపై సుప్రీంలో సవాల్​: భాజపా మిత్రపక్షం​​