షీ బృందాలపై ఒడిశా ఎస్పీ గీతం
మహిళల రక్షణకు షీ టీమ్ల ఏర్పాటు తెలుగు రాష్ట్రాల్లో సుపరిచితమే. ఇలాంటి కార్యక్రమమే ఒడిశాలోని గజపతి జిల్లా ఎస్పీ సారా శర్మ ఏర్పాటు చేశారు. అంతే కాదండోయ్ షీ టీమ్లకు ప్రచారం కల్పించేందుకు ఓ పాట తయారు చేసి విడుదల చేశారు. ఈ గీతాన్ని స్వయంగా ఎస్పీ సారానే ఆలపించారు.
ఈ షీ టీమ్ గీతం మహిళల్లో ఆత్మ విశ్వాసాన్ని పెంచుతుందని, ధైర్యసాహసాలను నింపుతుందన్నారు ఎస్పీ సారా శర్మ. రాత్రుళ్లలో ఇంటికి తిరిగి వస్తున్నప్పుడు ఆకతాయిల ఆగడాలతో అభద్రతా భావం నెలకొందన్న యువతుల వినతితో ఈ నిర్ణయం తీసుకున్నట్లు వెల్లడించారు శర్మ. యువతులతో పలు దఫాలు చర్చించిన అనంతరం షీ టీమ్లకు రూపకల్పన చేశామని వివరించారు.