భారత్ ప్రతిష్ఠాత్మకంగా తలపెట్టిన మానవసహిత మిషన్ గగన్యాన్ సహా భవిష్యత్ ప్రయోగాలపై చంద్రయాన్-2 ప్రభావం ఉండదని ఇస్రో స్పష్టం చేసింది. ప్రణాళిక ప్రకారమే 2022లో గగన్యాన్ ప్రయోగం ఉంటుందని ఇస్రో అధికారి తెలిపారు.
చంద్రయాన్, గగన్యాన్ లక్ష్యాలు వేరువేరని భూ పర్యవేక్షణ-విపత్తు నిర్వహణ విభాగ డైరెక్టర్ పీజీ దివాకర్ వెల్లడించారు.
"అసలు సమస్యే ఉండదు. ఇతర ప్రయోగాలపై చంద్రయాన్-2 ప్రభావం ఉండదు. ఉపగ్రహాల ప్రయోగంతో పాటు గగన్యాన్ మిషన్ ఎలాంటి ఇబ్బందులు లేకుండా సాగుతుంది. ప్రతి మిషన్ ఎంతో ప్రత్యేకమైనది."
--- పీజీ దివాకర్, ఇస్రో అధికారి.