వర్షాల గురించి భయపడాల్సిన పనిలేదు: తోమర్

నైరుతి రుతుపవనాల రాక ఆలస్యంతో 33 శాతం లోటు వర్షపాతం నమోదైన నేపథ్యంలో భయపడాల్సిందేమీ లేదని కేంద్ర వ్యవసాయ శాఖ మంత్రి నరేంద్ర సింగ్ తోమర్ వ్యాఖ్యానించారు. వాతావరణ శాఖ తాజా అంచనాల ప్రకారం జులై, ఆగస్టులో మంచి వర్షాలు కురుస్తాయని వెల్లడించారు. రాబోయే కేబినెట్​లో ఖరీఫ్ పంటలకు మద్దతు ధరపై నిర్ణయం తీసుకుంటామని స్పష్టం చేశారు.

నైరుతి రుతుపవనాల రాక ఆలస్యంతో జూన్​లో 33 శాతం లోటు వర్షపాతం నమోదైంది. దీని కారణంగా ఇప్పటికే వేయాల్సిన పంటలు ఆలస్యమయ్యాయి. వాతావరణ శాఖ తాజా అంచనాల ప్రకారం వర్షాల గురించి భయపడాల్సిన పని లేదని పంట వేయడం ప్రారంభించాలని పిలుపునిచ్చారు కేంద్ర వ్యవసాయ శాఖ మంత్రి నరేంద్ర సింగ్​ తోమర్​. ప్రభుత్వం పరిస్థితులను ఎప్పటికప్పుడు గమనిస్తోందన్నారు.

భారత్​కు కరవు పరిస్థితులేమి కొత్త కాదని, ఇప్పుడూ భయపడాల్సిన అవసరం లేదని తాజా అంచనాలు స్పష్టం చేస్తున్నాయని తోమర్ వెల్లడించారు. ఖరీఫ్ పంటకు మద్దతు ధరపై రాబోయే కేబినెట్ భేటీలో నిర్ణయం తీసుకుంటామన్నారు.

రైతులు కేవలం 146.61 హెక్టార్లలోనే ఇప్పటివరకు పంటలు వేశారని, గతేడాది ఇదే సమయానికి 162.07 హెక్టార్లలో పంటలు వేశారని గణాంకాలు స్పష్టం చేస్తున్నాయన్నారు.

నైరుతి రుతుపవన వర్షపాతంలో 33 శాతం లోటు ఉందని వాతావరణ శాఖ అంచనా వేసింది. జులై, ఆగస్టు నెలల్లో వర్షాలు కురిసే అవకాశం ఉందని వెల్లడించింది. వర్షాలు ఆలస్యమవడం వల్ల పంటలు వేయడంలో జాప్యం జరిగింది. దేశంలోని 50 శాతం పంటసాగు నైరుతి రుతుపవనాల్లోని వర్షాలపై ఆధారపడి ఉంటుంది.

ఇదీ చూడండి: భాజపా ఎంపీలను మందలించిన మోదీ