నిర్భయ కేసులో మరో మలుపు.. ముకేశ్​ క్షమాభిక్ష అర్జీ

నిర్భయ కేసులో మరో మలుపు చోటు చేసుకుంది. జనవరి 22న ఉదయం మరణ శిక్ష అమలు కానున్న నేపథ్యంలో దోషుల్లో ఒకరైన ముకేశ్​ కుమార్​... రాష్ట్రపతికి క్షమాభిక్ష దరఖాస్తు చేసుకున్నాడు. ఈ మేరకు ముకేశ్ అర్జీ చేసినట్లు తిహార్​ జైలు అధికారులు స్పష్టం చేశారు.

నిర్భయ దోషులలో ఒకడైన ముకేశ్ కుమార్... రాష్ట్రపతికి క్షమాభిక్ష దరఖాస్తు చేసుకున్నాడు. ఈ మేరకు తిహార్​​ జైలు అధికారులు స్పష్టం చేశారు.

2012లో దిల్లీలో జరిగిన నిర్భయ సామూహిక అత్యాచార కేసులో నలుగురు దోషులకు దిల్లీ కోర్టు మరణ శిక్ష విధించింది. ఈ నెల 22న ఉరిశిక్ష అమలు కానున్న నేపథ్యంలో చివరి అవకాశంగా క్షమాభిక్ష ప్రయత్నం చేస్తున్నట్లు తెలుస్తోంది.

ముకేశ్​ కుమార్​తో పాటు దోషులుగా తేలిన పవన్ గుప్తా, వినయ్ శర్మ, అక్షయ్ కుమార్ సింగ్​లకు వేసిన ఉరిశిక్ష జనవరి 22న ఉదయం 7 గంటలకు అమలు కానుంది.