నిర్భయ కేసులో ట్విస్ట్​.. సుప్రీంలో మరో పిటిషన్​

నిర్భయ కేసులో పవన్​కుమార్ గుప్తా.. వయోపరిమితి అంశమై సుప్రీంను ఆశ్రయించాడు. నేర సమయంలో తాను మైనర్​ను అన్న వాదనను దిల్లీ హైకోర్టు తోసిపుచ్చడాన్ని సవాలు చేస్తూ తాజాగా పిటిషన్​ దాఖలు చేశాడు.

నిర్భయ సాముహిక హత్యాచార ఘటన కేసు మరో మలుపు తిరిగింది. మరణ శిక్ష తప్పించుకునేందుకు ఉన్న అన్ని అవకాశాలను ఉపయోగించుకునేందుకు ప్రయత్నిస్తున్నారు దోషులు. కేసులో నలుగురు దోషుల్లో ఒకడైన పవన్ ​కుమార్ గుప్తా.. సుప్రీం కోర్టును ఆశ్రయించాడు. ఘటన సమయంలో తాను మైనర్​ను అని, ఈ అంశాన్ని దిల్లీ హైకోర్టు పరిగణనలోకి తీసుకోలేదని పిటిషన్​ దాఖలు చేశాడు.

తాను మైనర్​ అనే విషయాన్ని పరిగణనలోకి తీసుకుని శిక్ష ఖరారు చేయాలంటూ గతంలో దిల్లీ హైకోర్టులో పిటిషన్ దాఖలు చేశాడు పవన్​. దీనిపై విచారించిన న్యాయస్థానం డిసెంబర్​ 19న పిటిషన్​ కొట్టేసింది.

పవన్​కుమార్ గుప్తా వయస్సును నకిలీ పత్రాల ద్వారా నిందితుడి తరఫు న్యాయవాది తక్కువ చేసి చూపారని అభిప్రాయపడింది దిల్లీ హైకోర్టు. అయితే దిల్లీ హైకోర్టు తీర్పును సవాలు చేస్తూ తాజాగా సుప్రీంను ఆశ్రయించాడు దోషిగా తేలిన పవన్ గుప్తా.

ఇదీ చూడండి: 'ఉరి' అమలుపై మానసిక ఒత్తిడిలో నిర్భయ దోషులు!