దేశంలోని వేరువేరు ప్రాంతాల్లో జాతీయ దర్యాప్తు సంస్థ(ఎన్ఐఏ) విస్తృత తనిఖీలు నిర్వహించింది. బంగాల్లోని ముర్షిదాబాద్, కేరళలోని ఎర్నాకులంలో అల్ఖైదా ఉగ్రవాద సంస్థకు అనుబంధంగా ఉగ్రకార్యకలాపాలు సాగిస్తోన్న 9 మందిని అరెస్ట్ చేసింది.
దేశ రాజధాని ప్రాంతం (ఎన్సీఆర్)లో వీరు దాడులకు ప్రయత్నాలు చేస్తున్నట్లు సమాచారం అందడం వల్ల ఈ సోదాలు నిర్వహించినట్టు ఎన్ఐఏ పేర్కొంది. తనిఖీల్లో భాగంగా డిజిటల్ పరికరాలు, పత్రాలు, జిహాదీ సాహిత్యం, పదునైన ఆయుధాలు, దేశీయ తుపాకులు, పేలుడు పరికరాలను రూపొందించేందుకు కావల్సిన సామగ్రిని స్వాధీనం చేసుకున్నట్టు ఎన్ఐఏ వెల్లడించింది.