గుజరాత్​లో ఐఎస్​ఐ ఏజెంట్​ అరెస్టు

గుజరాత్​ పశ్చిమ కచ్​ జిల్లాలో పాక్​ ఐఎస్​ఐ సంస్థకు ఏజెంట్​గా పని చేస్తున్న రజాక్​భాయ్ అనే వ్యక్తిని అరెస్టు చేసింది జాతీయ దర్యాప్తు సంస్థ (ఎన్​ఐఏ). ఉత్తర్​ప్రదేశ్​లో ఓ కేసు విచారణలో భాగంగా అందిన సమాచారం మేరకు ఈ చర్యలు చేపట్టినట్లు తెలిపింది.

పాకిస్థాన్​ ఐఎస్​ఐ ఏజెంట్​గా పని చేస్తున్న రజాక్​భాయ్​ అనే వ్యక్తిని గుజరాత్​ పశ్చిమ కచ్​ జిల్లాలో జాతీయ దర్యాప్తు సంస్థ (ఎన్​ఐఏ) అరెస్టు చేసింది. ఉత్తర్​ప్రదేశ్​లో నమోదైన ఒక కేసు విచారణలో భాగంగా వచ్చిన సమాచారం ఆధారంగా నిందితుడిని పట్టుకున్నట్లు వెల్లడించింది

ఉత్తర్​ప్రదేశ్​లో పాక్​ ఉగ్రవాద సంస్థతో సంబంధాలు ఉన్నాయన్న ఆరోపణలతో ఎండీ రషీద్ అనే వ్యక్తిని జనవరిలో అదుపులోకి తీసుకున్నారు అధికారులు. విచారణలో సదరు వ్యక్తి.. పాకిస్థాన్​కు చెందిన రక్షణ, ఐఎస్ఐ అధికారులకు.. దేశ సమాచారాన్ని చేరవేసినట్లు గుర్తించారు. ఇప్పటి వరకు రెండు సార్లు పాకిస్థాన్​ వెళ్లి అక్కడి అధికారులతో భేటీ అయినట్లు నిర్ధరించారు. రక్షణ బలగాల కదలికలు, రక్షణకు సంబంధించిన పలు ప్రదేశాల సమాచారాన్ని కూడా అందజేసినట్లు అధికారులు తెలిపారు..

సమాచారం చేరవేసినందుకు గానూ గుజరాత్​లోని రజాక్​భాయ్​.. రిజ్వాన్​ అనే వ్యక్తి పేటీఎం నుంచి రషీద్​కు 50 వేల రూపాయలను జమ చేసినట్లు ఎన్​ఐఏ అధికారులు గుర్తించారు. ఐఎస్ఐ ఆదేశాల మేరకు రషీద్​కు నగదు పంపినట్లు తెలిపారు.​ దీంతో రజాక్​భాయ్​ను అరెస్టు చేసింది ఎన్​ఐఏ. అతడి ఇంటిలో సోదాలు నిర్వహించి కీలక పత్రాలను స్వాధీనం చేసుకుంది.