ఉత్తర్ప్రదేశ్ మహోబా పట్టణంలో ఆసక్తికర ఘటన జరిగింది. తమ ఇంటిలో కొత్తగా పుట్టిన శిశువుకు బస్ డిపో పేరు పెట్టారు ఆమె తల్లిదండ్రులు.
పురిటి నొప్పులతో బాధపడుతున్న గర్భిణిని మహోబాలోని ఆసుపత్రికి తరలించారు. మార్గమధ్యలోనే ఆర్టీసీ బస్సులో శిశువుకు జన్మనిచ్చింది ఆ మహిళ. ఆమెకు తోటి మహిళా ప్రయాణికులు సాయం చేశారు.
అనంతరం బస్సు డ్రైవర్, కండక్టర్.. తల్లీబిడ్డలను ఆసుపత్రికి తరలించారు. డ్రైవర్, కండక్టర్ చేసిన సాయానికి కృతజ్ఞతగా తన కూతురుకు 'మహోబా డిపో' అని పేరు పెట్టినట్లు ఆ మహిళ తెలిపింది.
తల్లి, శిశువు ఆరోగ్యంగా ఉన్నట్లు తెలిపిన వైద్యులు.. వారిని డిశ్చార్జి చేశారు.
ఇదీ చూడండి:ముంచుకొస్తున్న రోగాలు- సమగ్ర వైద్య సేవలేవీ?