కేంద్రం కొత్తగా ప్రవేశపెట్టిన 'ఫాస్ట్ట్యాగ్' పేరిట సైబర్ నేరగాళ్లు మోసాలకు పాల్పడుతున్నారు. తాజాగా బెంగళూరులో ఓ వినియోగదారుడి నుంచి రూ.1.48 లక్షలు కొట్టేశారు కేటుగాళ్లు. ఫాస్ట్ట్యాగ్లో సమస్యపై కస్టమర్ కేర్కు కాల్ చేయగా.. ఈ ఘటన జరిగిందని బాధితుడు వివరించాడు.
బెంగళూరుకు చెందిన వెంకటప్ప అనే వ్యక్తి.. తన కారులోని ఫాస్ట్ట్యాగ్ పనిచేయటం లేదని కస్టమర్ కేర్ నంబర్కు ఫోన్ చేశాడు. కానీ, ఎవరూ స్పందించలేదు. కొన్ని నిమిషాల తర్వార వెంకటప్పకు మరో నంబర్ నుంచి ఫోన్ వచ్చింది.
తిరిగి కాల్ చేసి..
"మేం ఫాస్ట్ట్యాగ్ నుంచి కాల్ చేస్తున్నాం. మీ ఖాతా బ్లాక్ అయింది. మేం చెప్పినట్లు చేయండి" అని అవతలి వ్యక్తి చెప్పారు. తన కంప్యూటర్లో 'ఎనీ డెస్క్' లేదా 'క్విక్ సపోర్ట్'ను డౌన్లోడ్ చేసుకోవాలని చెప్పినట్లు వెంకటప్ప వివరించాడు.
అంతేకాకుండా అందులో ఖాతా వివరాలు నమోదు చేయాలని సూచించగా.. వెంకటప్ప అలాగే చేశాడు. అనంతరం వచ్చిన వన్టైం పాస్వర్డ్ చెప్పాలని అవతలి వ్యక్తి అడిగాడు. అతనికి ఓటీపీ చెప్పిన వెంటనే తన ఖాతా నుంచి దఫాల వారీగా రూ.1.48 లక్షలు పోయాయని తెలిపాడు. ఈ విషయంపై సైబర్ పోలీసులకు ఫిర్యాదు చేశాడు వెంకటప్ప.
ఇదీ చూడండి:కేంద్రం 'వైఫల్యం'పై వ్యాజ్యం- కొట్టివేసిన సుప్రీం