నిషేధం కుదరదు..!

రానున్న లోక్​సభ ఎన్నికల్లో ఓటింగ్​ రోజున వార్తా పత్రికల్లో రాజకీయ పార్టీల ప్రకటనలపై నిషేధం విధించడం సాధ్యం కాకపోవచ్చు. ఈ ప్రతిపాదన న్యాయ మంత్రిత్వశాఖ వద్ద పెండింగ్​లో ఉంది.

ఓటింగ్​ రోజున వార్తా పత్రికల్లో పార్టీల ప్రకటనలపై నిషేధం విధించాలని ఎన్నికల కమిషన్​ ప్రతిపాదించింది. ఇది రానున్న లోక్​సభ ఎన్నికలప్పుడు సాధ్యం కాకపోవచ్చు. ఈ ప్రతిపాదన ప్రస్తుతం న్యాయశాఖ వద్ద పెండింగ్​లో ఉంది. దీని కోసం ప్రజా ప్రాతినిధ్య చట్టం 1951లో సవరణలు చేయాలి. లోక్​సభ ఎన్నికలు దగ్గర్లో ఉన్నందున్న ఇది సాధ్యం కాకపోవచ్చు.

ఓటింగ్​కు 48 గంటల ముందు నుంచే వార్తాపత్రికల్లో పార్టీల ప్రకటనలపై నిషేధం విధించాలని 2016లో ఈసీ ప్రభుత్వాన్ని కోరింది. ఇందుకు అనుగుణంగా ఎన్నికల చట్టాల్లో మార్పులు చేయాలని ఓ కమిటీ సూచించింది. ప్రస్తుతం ఎలక్ట్రానిక్​ మీడియాలో ఈ ప్రకటనలపై నిషేధం అమల్లో ఉంది. అయితే ప్రజాపాతినిధ్య చట్టం-1951 లో సెక్షన్​ 126 కి సవరణలు చేపట్టి పత్రికలకూ ఈ నిషేధం వర్తింపజేయాలని సూచించింది కమిటీ.