మత్తెక్కిన కారు డ్రైవర్... మార్కెట్లో మారణకాండ! నవీ ముంబయిలోని కామోటేలో మద్యం మత్తులో కళ్లు మూసుకుపోయిన కారు డ్రైవర్ ఘాతుకానికి పాల్పడ్డాడు. కారు అతి వేగానికి ఇద్దరు అక్కడికక్కడే మృతి చెందారు. తీవ్ర గాయాలపాలైన మరో 8 మంది ఎమ్జీఎమ్ ఆసుపత్రిలో చికిత్స పొందుతున్నారు. అందులో ముగ్గురి పరిస్థితి విషమంగా ఉంది. కామోటే సెక్టార్-5లో రద్దీగా ఉన్న కూరగాయల మార్కెట్లో ఇంతటి ఘోరం చోటుచేసుకోవడం స్థానికులను కలచివేసింది. దారి పొడవునా మనుషులున్నా ఖాతరు చేయకుండా పాదచారులపైకి, ద్విచక్రవాహనాలపైకి కారు ఎక్కించేశాడు డ్రైవర్. అదృష్టం బాగుండి కొందరు ప్రాణాలు దక్కించుకున్నా.. సార్థక్ చోప్రా, వైభవ్లు మాత్రం అక్కడిక్కడే కన్ను మూశారు.
మద్యం సేవించిన కారు డ్రైవర్ దుర్మార్గం సీసీటీవీలో స్పష్టంగా రికార్డయింది. కారు నడిపిన వ్యక్తిని ఖలీం ఇలాతాగా గుర్తించారు పోలీసులు. అదుపులోకి తీసుకుని కేసు నమోదు చేశారు.
ఇదీ చూడండి:అత్త చావుతో షాక్-కోడలి ఆత్మహత్య
