18:17 November 18
భవిష్యత్ కార్యాచరణపై చర్చ...
మహారాష్ట్రలో ప్రస్తుత రాజకీయ పరిస్థితిని ఎన్సీపీ అధినేత శరద్ పవార్... సోనియా గాంధీకి వివరించినట్లు కాంగ్రెస్ తెలిపింది. భవిష్యత్ కార్యాచరణపై చర్చించేందుకు ఎన్సీపీ, కాంగ్రెస్ నాయకులు ఒకట్రెండు రోజుల్లో దిల్లీలో సమావేశం కానున్నట్లు ఆ పార్టీ ప్రతినిధి వెల్లడించారు.
18:05 November 18
ముగిసిన భేటీ...
సోనియా గాంధీతో శరద్ పవార్ భేటీ ముగిసింది. పవార్ దిల్లీలోని ఆయన నివాసానికి చేరుకున్నారు.
17:51 November 18
దిల్లీ చేరిన 'మహా' రాజకీయం- సోనియాతో పవార్ భేటీ
మహారాష్ట్ర రాజకీయాలు దిల్లీ చేరాయి. ప్రభుత్వ ఏర్పాటుపై అనిశ్చితి కొనసాగుతోన్న వేళ.. ఎన్సీపీ అధినేత శరద్ పవార్.. కాంగ్రెస్ అధ్యక్షురాలు సోనియా గాంధీతో ఆమె నివాసంలో భేటీ అయ్యారు. శివసేనతో కలసి ప్రభుత్వాన్ని ఏర్పాటు చేయడంపై ఇరువురు అగ్రనేతలు చర్చించనున్నట్లు సమాచారం.
ఈ భేటీ అనంతరం.. మహారాష్ట్రలో సర్కారు ఏర్పాటుపై స్పష్టత వచ్చే అవకాశం ఉందని విశ్లేషకులు భావిస్తున్నారు.