జాతీయ వైద్య కమిషన్​ బిల్లుకు లోక్​సభ ఆమోదం

భారత వైద్య మండలి స్థానంలో కొత్త విభాగాన్ని ఏర్పాటు చేసేందుకు తీసుకొచ్చిన జాతీయ వైద్య కమిషన్​ బిల్లుకు లోక్​సభ ఆమోదం తెలిపింది.

జాతీయ వైద్య కమిషన్ బిల్లు-2019ను లోక్​సభ ఆమోదించింది. ప్రస్తుత భారత వైద్య మండలిని రద్దు చేసి దాని స్థానంలో కొత్త విభాగాన్ని ఏర్పాటును ఈ బిల్లును తీసుకొచ్చింది ప్రభుత్వం. ఈ బిల్లును విపక్షాలు వ్యతిరేకించినా దిగువ సభలో నెగ్గింది.

భారతీయ వైద్య మండలి చట్టం-1956ను రద్దు చేసే దిశగా ఈ బిల్లును ప్రతిపాదిస్తోంది. ఎంసీఐ నియంత్రణలోని వైద్య కళాశాలలు లోపభూయిష్టంగా ఉన్నాయని.. అవినీతిమయం అయ్యాయని బిల్లు పేర్కొంటోంది.

వైద్యరంగంలో సంస్కరణలు

వైద్య విద్యా రంగంలో మెరుగైన సంస్కరణల కోసం ఈ బిల్లు ఎంతో తోడ్పడుతుందని లోక్​సభలో పేర్కొన్నారు కేంద్ర వైద్య, ఆరోగ్య శాఖ మంత్రి హర్షవర్ధన్​. ఈ నూతనంగా రూపొందిన ఎన్​ఎంసీ బిల్లు.. భవిష్యత్తులో వైద్య విద్యా రంగంలో సవాళ్లను దీటుగా ఎదుర్కోగలదని విశ్వాసం వ్యక్తం చేశారు.

ఇదీ చూడండి: ఎన్​ఎంసీ బిల్లు అతిపెద్ద సంస్కరణ: హర్షవర్ధన్​