కరోనా మృతదేహానికి ఖననం చేశారని కాలనీలోకి రానివ్వలేదు!
కరోనాపై పోరులో వైద్యులు, నర్సులు నిత్యం తీవ్రంగా శ్రమిస్తున్నారు. వారితో పాటు పారిశుద్ధ్య కార్మికులు కూడా తమ వంతు సహాయం చేస్తున్నారు. వైరస్ బారిన పడి ప్రాణాలు కోల్పోతున్న వారి మృతదేహాలను సొంత వారే చూడటానికి భయపడుతున్నారు. అలాంటిది ఆ మృతదేహాలను ప్రభుత్వ నిబంధనల ప్రకారం ఖననం చేయటానికి ధైర్యంగా ముందుకొస్తున్నారు పారిశుద్ధ్య కార్మికులు. కానీ సమాజంలో వారికి ఏదో విధంగా అవమానం జరుగుతూనే ఉంది. ఇందుకు అసోంలోని బారక్ లోయలో జరిగిన ఘటనే ఉదాహరణ.
భయంతోనే...
అసోంలో ఇటీవలే తొలి కరోనా మరణం సంభవించింది. శుక్రవారం మృతదేహాన్ని ఖననం చేయడానికి కుటుంబ సభ్యులకు తొమ్మిది మంది పారిశుద్ధ్య కార్మికులు సహాయం చేశారు.