వేల మంది వలస కార్మికులు ఒక్కసారిగా ముంబయి బాంద్రా రైల్వే స్టేషన్కు తరలిరావడం ఉద్రిక్తతలకు దారితీసింది. వారిని అదుపు చేసేందుకు పోలీసులు లాఠీచార్జీ చేయాల్సి వచ్చింది.
బాంద్రా రైల్వేస్టేషన్ బయట వలసకూలీలు
ఇదీ జరిగింది..
రైల్వే స్టేషన్కు పోటెత్తిన కూలీలు- పోలీసుల లాఠీచార్జ్ - Mumbai police latestnews
ముంబయి బాంద్రా రైల్వేస్టేషన్ వద్ద ఉద్రిక్త వాతావరణం నెలకొంది. ప్రత్యేక రైళ్లలో స్వస్థలాలకు వెళ్లేందుకు రిజర్వేషన్ లేని వారు సైతం తరలివచ్చారు. ఒకేసారి స్టేషన్కు పోటెత్తిన వేలాది మందిని అదుపు చేసేందుకు పోలీసులు లాఠీచార్జీ చేశారు.
బాంద్రా రైల్వేస్టేషన్ బయట వలసకూలీలు గుంపు
బాంద్రా రైల్వేస్టేషన్ బయట వలసకూలీలు
బిహార్కు చెందిన వలస కూలీల కోసం ప్రభుత్వం ప్రత్యేక శ్రామిక్ రైలు ఏర్పాటు చేసింది. ఈ రైలులో బాంద్రా నుంచి పూర్ణియా వెళ్లేందుకు 1000 మంది రిజర్వేషన్ చేయించుకున్నారు. అయితే... టికెట్ లేకపోయినా ముంబయిలోని వేర్వేరు ప్రాంతాల నుంచి వలస కార్మికులు ఒక్కసారిగా బాంద్రా స్టేషన్కు తరలివచ్చారు. రైలులో ప్రయాణించేందుకు తమను కూడా అనుమతించాలని నిరసనకు దిగారు.
ఈ హఠాత్ పరిణామంతో పోలీసులు అప్రమత్తమయ్యారు. రిజర్వేషన్ ఉన్నవారిని మాత్రమే రైలు ఎక్కేందుకు అనుమతించారు. మిగిలినవారిని అక్కడి నుంచి చెదరగొట్టారు.