మధ్యప్రదేశ్లో ఘోర రోడ్డు ప్రమాదం మధ్యప్రదేశ్ శివని వద్ద జరిగిన ఘోర రోడ్డు ప్రమాదంలో ఐదుగురు మరణించారు. మరో ముగ్గురు తీవ్రంగా గాయపడ్డారు. చనిపోయిన వారంతా ఒకే కుటుంబానికి చెందిన వారని పోలీసులు గుర్తించారు. ఈ ప్రమాద దృశ్యాలు సీసీటీవీలో రికార్డు అయ్యాయి.
టోల్గేట్ దగ్గర రుసుం చెల్లించడానికి ఆగి ఉన్న ఆయిల్ ట్యాంకర్ను వేగంగా వచ్చిన కారు ఢీ కొట్టిందని పోలీసులు తెలిపారు. కారులోని వారంతా ఉత్తర్ప్రదేశ్లోని వారణాసి నుంచి బెంగళూరు వెళ్తుండగా ఘటన జరిగిందని వివరించారు. క్షతగాత్రులను స్థానికులు జిల్లా ఆసుపత్రికి తరలించారు.
ఇదీ చూడండి: చిన్నారి హత్యాచార కేసులో నిందితునికి మరణశిక్ష
