కమల్​కు ఈసీ షాక్​.. ప్రచారకర్త హోదా రద్దు

ఎన్నికల ప్రవర్తనా నియమావళిని ఉల్లంఘించిన కారణంగా మధ్యప్రదేశ్‌ మాజీ సీఎం కమల్‌నాథ్‌కు గట్టి షాకిచ్చింది ఎన్నికల సంఘం. ఇప్పటివరకు ఉన్న ప్రముఖ ప్రచార కర్త హోదాను ఇవాళ రద్దు చేసింది.

మధ్యప్రదేశ్ మాజీ ముఖ్యమంత్రి కమల్​నాథ్​కు ప్రముఖ ప్రచార కర్త హోదాను రద్దు చేసింది కేంద్ర ఎన్నికల సంఘం. పదే పదే ఎన్నికల ప్రవర్తనా నియమావళిని ఉల్లంఘించిన కారణంగా ఈసీ ఈ నిర్ణయం తీసుకుంది.

మధ్యప్రదేశ్‌లో 28 అసెంబ్లీ నియోజక వర్గాలకు ఉప ఎన్నికలు జరగనుండగా.. కాంగ్రెస్‌ పార్టీ తరఫున కమల్‌నాథ్‌ ప్రముఖ ప్రచారకర్తగా ఉన్నారు. తాజాగా ఎన్నికల సంఘం ఆ హోదాను రద్దు చేసినందున ఇకపై కమల్‌నాథ్‌ ఎక్కడకు ప్రచారానికి వెళ్లినా.. ప్రయాణం, వసతి తదితర ఖర్చులను ఆయా నియోజకవర్గ కాంగ్రెస్‌ అభ్యర్థులు భరించాల్సి ఉంటుంది.

ఇదీ చూడండి:'మేం గెలిస్తే మాజీ సీఎం కుమారులు ​పదో తరగతి పాస్!'