జూన్ 1 నాటికి నైరుతి రుతుపవనాలు కేరళ తీరాన్ని తాకే అవకాశముందని భారత వాతావరణ విభాగం వెల్లడించింది. ప్రస్తుతం నైరుతీ రుతుపవనాల ఉత్తరకొన మాల్దీవులు, కోమోరిన్ ప్రాంతాల్లో విస్తరించినట్టు తెలిపింది.
జూన్ 1 నాటికి కేరళలోకి నైరుతి రుతుపవనాలు! - నేటి వాాతావరణం
ఈ ఏడాది దేశంలో సాధారణ వర్షాలు కురుస్తాయని వాతావరణ శాఖ తెలిపింది. ఆగ్నేయ అరేబియా సముద్రంలో ఈ నెలాఖరున అల్పపీడనం ఏర్పడే అవకాశముందని వెల్లడించిన వాతావరణ విభాగం.. ఈ ప్రభావంతో జూన్ 1 నాటికి కేరళలో నైరుతి రుతుపవనాలు దేశంలోకి ప్రవేశిస్తాయని ప్రకటించింది.
జూన్ 1 నాటికి కేరళలోకి నైరుతీ రుతుపవనాలు
దక్షిణ బంగాళాఖాతం సహా.. అండమాన్ సముద్రం, అండమాన్ నికోబార్ దీవుల్లో రుతుపవనాలు విస్తరించాయని వివరించింది వాతావరణ శాఖ. ఈ ఏడాది దేశంలో సాధారణ వర్షాలు కురుస్తాయని తెలిపింది. జూన్ 1 నాటికి భారత ప్రధాన భూభాగంలోకి అడుగుపెట్టనున్న రుతుపవనాలు.. తదుపరి వారంలో కర్ణాటక మీదుగా ఆంధ్రప్రదేశ్‌లోకి ప్రవేశిస్తాయని ఆమరావతి వాతావరణ కేంద్రం పేర్కొంది. ఆగ్నేయ అరేబియా సముద్రంలో ఈ నెల చివరి నాటికి అల్పపీడనం ఏర్పడే అవకాశం ఉందని.. ఈ ప్రభావంతో జూన్ 1 న కేరళలో నైరుతి రుతుపవనాలు ప్రవేశిస్తాయని స్పష్టం చేసింది.
ఇదీ చదవండి:మరింత పెరగనున్న ఉష్ణోగ్రతలు