'మోదీలై': ప్రధానిపై రాహుల్​ కొత్త పంచ్​లు

ప్రధాని నరేంద్ర మోదీపై కాంగ్రెస్ అధ్యక్షుడు రాహుల్​ గాంధీ వినూత్న రీతిలో విమర్శలు గుప్పించారు. మోదీని సత్యాలు వక్రీకరించే వ్యక్తిగా పేర్కొంటూ 'మోదీలై' అనే పదజాలాన్ని వాడారు.

కాంగ్రెస్ అధ్యక్షుడు రాహుల్​గాంధీ, ప్రధానిని విమర్శించడానికి 'మోదీలై' అనే కొత్త పదాన్ని సృష్టించారు. 'మోదీ లైస్' అనే వెబ్​సైట్​ ఉందని, అది మోదీ చెప్పే అబద్ధాలను కళ్లకు కడుతుందని రాహుల్ అన్నారు. 'మోదీ లైస్​' వెబ్​సైట్​ లింక్​నూ ఆయన ట్వీట్​ చేశారు.

'మోదీ లై' అనే పదం డిక్షనరీలోనూ చేరిందని ఫొటోషాప్ చేసిన ఆంగ్ల నిఘంటువు స్క్రీన్​షాట్​ను ట్వీట్​కు జత చేశారు. ఈ పదానికి అర్థం 'సత్యాలను వక్రీకరించే వ్యక్తి' అని వివరించారు. నిఘంటువులో ఆ పదానికి మూడు రకాల అర్థాలు ఉన్నట్లుగా ఆ స్క్రీన్​షాట్​లో చూపించారు.

'మోదీలై' అనే కొత్త పదం ప్రపంచవ్యాప్తంగా ప్రాచుర్యం పొందిన ఓ నామవాచకమని రాహుల్​ పేర్కొన్నారు. మోదీ , 'రఫేల్ ఒప్పందం'​ విషయంతో పాటు, అనేక విషయాల్లో అబద్ధాలు అడుతున్నారని రాహుల్​ విమర్శించారు.

ఇదీ చూడండి: ఈసీ స్వతంత్రతను కోల్పోయింది: కాంగ్రెస్