అంతర్జాతీయ సమస్యలపై మోదీ, జిన్​పింగ్​ చర్చ

చైనా అధ్యక్షుడు జిన్​పింగ్​తో తమిళనాడు కోవలంలో రెండోరోజు సమావేశమయ్యారు ప్రధాని నరేంద్ర మోదీ. ప్రాంతీయ సహకారం, అంతర్జాతీయ సమస్యలపై ఇరు దేశాధినేతలు కీలక చర్చలు జరిపారు.

రెండో రోజు భారత పర్యటనలో భాగంగా ప్రధాని నరేంద్ర మోదీతో భేటీ అయ్యారు చైనా అధ్యక్షుడు జిన్​పింగ్​. తమిళనాడు కోవలం గ్రామంలోని 'తాజ్​ రిసార్ట్ ఫిషర్​మ్యాన్స్​ కోవ్​'​ హోటల్​ ఇందుకు వేదికైంది.

ఇరు దేశాలకు సంబంధించిన వాణిజ్య లోటు, ఆర్థిక అంశాలపై చర్చలు జరిపారు మోదీ, జిన్​పింగ్​. ప్రాంతీయ సహకారం, అంతర్జాతీయ సమస్యలపైనా ఇరువురు నేతలు చర్చించినట్లు సమాచారం. ప్రస్తుతం ఇరు దేశాల ఉన్నతాధికారులతో అగ్రనేతల సమావేశం మొదలైంది.

తొలిరోజు తమిళ సంప్రదాయ దుస్తుల్లో జిన్​పింగ్​తో సమావేశమైన మోదీ... రెండో రోజు మాత్రం ఎప్పటిలాగే లాల్చి, పైజామా, జాకెట్ ధరించారు.

ఇదీ చూడండి:- ఇకపై సౌదీ సాయుధ దళాల్లోనూ నారీశక్తి సేవలు