లాక్​డౌన్ కొనసాగింపుపై విపక్ష నేతలతో మోదీ చర్చ

ప్రధానమంత్రి నరేంద్రమోదీ వివిధ రాజకీయ పక్షాల పార్లమెంటరీ పార్టీ నేతలతో నేడు సమావేశమయ్యారు. లాక్​డౌన్ కొనసాగింపు అంశమై వీడియో కాన్ఫరెన్స్​లో చర్చించారు.

కరోనా సంక్షోభం నేపథ్యంలో వివిధ రాజకీయ పక్షాల పార్లమెంటరీ పార్టీ నేతలతో వీడియో కాన్ఫరెన్స్​ నిర్వహించారు ప్రధానమంత్రి నరేంద్రమోదీ. లాక్​డౌన్ కొనసాగించాలా.. ఎత్తేయాలా అనే అంశమై నేతలతో సంప్రదింపులు జరిపారు ప్రధాని. ఈ సమావేశం నిర్ణయాలు త్వరలో ప్రకటించే అవకాశం ఉంది.

ఆర్థిక పరిస్థితిపై..

లాక్​డౌన్ కారణంగా దేశ ఆర్థిక పరిస్థితిపై పడే ప్రతికూల ప్రభావంపైనా నేతలు చర్చించారు. అత్యవసర నిధులను రాష్ట్రాలకు విడుదల చేసినట్లు నేతలకు వివరించారు మోదీ. లాక్​డౌన్​ కారణంగా రోజు కూలీలు కష్టాలను ఎదుర్కొంటున్నారని చెప్పారు. వారికోసం ప్రత్యేక ప్యాకేజీ ప్రకటించడంపై నేతల అభిప్రాయాలు తెలుసుకున్నారు.

సీఎంల అభిప్రాయం మేరకు..

నిత్యావసర వస్తువులను ప్రజలకు అందించడంపైనా నేతలు చర్చించారు. ప్రజలు ఇబ్బందులు ఎదుర్కొనకూడదని చెప్పారు మోదీ. పలువురు ముఖ్యమంత్రుల నుంచి వచ్చిన అభిప్రాయాల మేరకు లాక్​డౌన్​ కొనసాగింపుపైనా నేతలు సమాలోచనలు చేశారు.

ఇదీ చూడండి:'వైద్యులు ఒక్క మాస్కును 4 సార్లు వినియోగించాలి!'