టీకా లబ్ధిదారులతో శుక్రవారం మోదీ మాటామంతి

ప్రధానమంత్రి నరేంద్ర మోదీ.. తన సొంత నియోజకవర్గం వారణాసిలోని టీకా లబ్ధిదారులతో శుక్రవారం సమావేశం కానున్నారు. వీడియో కాన్ఫిరెన్స్​ ద్వారా మాట్లాడనున్న మోదీ.. వారి అనుభవాలను అడిగి తెలుసుకోన్నారు.

ప్రధానమంత్రి నరేంద్ర మోదీ తన సొంత నియోజకవర్గమైన వారణాసిలో టీకా లబ్ధిదారులతో శుక్రవారం సంభాషించనున్నారు. ఈ కార్యక్రమంలో వర్చువల్​గా జరగనుంది. వ్యాక్సినేషన్ ప్రక్రియలో భాగమైన ప్రజలు.. వారి అనుభవాలను మోదీతో పంచుకుంటారని ప్రధానమంత్రి కార్యాలయం ఓ ప్రకటనలో తెలిపింది.

భారత్​.. ప్రస్తుతం ప్రపంచంలోని అతిపెద్ద టీకా డ్రైవ్​ను​ నిర్వహిస్తోంది. ఈ నేపథ్యంలో టీకా లబ్ధిదారులతో సంభాషణ అనంతరం.. శాస్త్రవేత్తలు, రాజకీయ నాయకులు, సంబంధిత అధికారులతో మోదీ.. వ్యాక్సిన్​ పంపిణీ కార్యక్రమంపై చర్చించనున్నారు.

ఈ నెల 16న దేశవ్యాప్తంగా ప్రధాని మోదీ చేతుల మీదుగా ఈ టీకా డ్రైవ్​ ప్రారంభమైంది.