ఆ సాయం చేస్తానన్న ట్రంప్​కు మోదీ థ్యాంక్స్

అమెరికా అధ్యక్షుడు డొనాల్డ్​ ట్రంప్​కు భారత ప్రధాని నరేంద్ర మోదీ ధన్యవాదాలు తెలిపారు. భారత్​కు అమెరికా వెంటిలేటర్లను విరాళంగా ఇస్తున్న నేపథ్యంలో ఈ మేరకు ట్వీట్​ చేశారు.

భారత్​కు వెంటిలేటర్లు విరాళంగాఇస్తున్నట్టు ప్రకటించిన అమెరికా అధ్యక్షుడు డొనాల్డ్​ ట్రంప్​కు ప్రధానమంత్రి నరేంద్ర మోదీ ధన్యవాదాలు తెలిపారు. కరోనా వంటి కష్టకాలంలో అందరూ కలిసి పనిచేయాలని ట్వీట్​ చేశారు.

"ధన్యవాదాలు ట్రంప్​. ఈ మహమ్మారిపై మనం అందరం కలిసి పోరాడుతున్నాం. ఇలాంటి సమయాల్లో.. దేశాలన్నీ కలిసి పని చేయడం ఎంతో ముఖ్యం. ఆరోగ్యవంతమైన, కరోనా రహితంగా ప్రపంచాన్ని తీర్చిదిద్దడానికి సాయశక్తులా కృషి చేయాలి. భారత్​-అమెరికా మైత్రి మరింత బలపడాలి."

-- నరేంద్ర మోదీ, భారత ప్రధానమంత్రి.

గతనెలలో అమెరికా కోసం హైడ్రాక్సీక్లోరోక్విన్​ మందులను ఎగుమతి చేసేందుకు భారత్ అనుమతిచ్చింది. ఈ విషయాన్ని అనేక మార్లు ప్రస్తావించిన ట్రంప్​.. కరోనాపై పోరులో భారత్​కు అన్ని విధాలుగా సహాయం చేస్తామని హామీ ఇచ్చారు.

ఇదీ చూడండి:-మోదీ సర్కార్ వీసా రూల్స్​పై ప్రవాసీల అసంతృప్తి