​​​​​​​'యువత భవితను మోదీ-షా నాశనం చేశారు'

మోదీ, అమిత్ షాలు భారత యువత భవిష్యత్తును నాశనం చేశారని రాహుల్​ గాంధీ ఆరోపించారు. దేశంలో ఉన్న నిరుద్యోగ సమస్య , ఆర్థిక స్థితిపై యువత ఆగ్రహాన్ని వారు తట్టుకోలేరని విమర్శించారు.

ప్రధానమంత్రి నరేంద్ర మోదీ, కేంద్ర హోంమంత్రి అమిత్​షా కలిసి దేశ యువత భవిష్యత్తును నాశనం చేశారని ఆరోపించారు కాంగ్రెస్ నేత రాహుల్​ గాంధీ. దేశంలో పెరిగిపోయిన నిరుద్యోగం, క్షీణించిన ఆర్థిక వ్యవస్థలపై యువత ఆగ్రహిస్తోందని.. అది మరిపించేందుకే వారు పౌరసత్వ చట్ట సవరణ(సీఏఏ), ఎన్​ఆర్​సీ వంటి చట్టాలు తీసుకొచ్చి దేశాన్ని ముక్కలు చేశారన్నారు. యువత ఆగ్రహం నుంచి తప్పించుకునేందుకు ద్వేషాన్ని ప్రేరేపిస్తున్నారని విమర్శించారు.

దిల్లీ ఎన్నికల ప్రచార ర్యాలీలో మోదీ విపక్షాలపై విరుచుకుపడ్డ నేపథ్యంలో.. ప్రధాని, హోంమంత్రుని ఓడించాలంటే ప్రతి భారతీయుడు.. మరొకరి పట్ల ప్రేమతో ఉండాలని ట్వీట్​ చేశారు రాహుల్​.

"ప్రియమైన భారత యువత.. మోదీ, షాలు కలిసి మీ భవిష్యత్తుని నాశనం చేశారు. నిరుద్యోగ సమస్య, ఆర్థిక వ్యవస్థకు వారు కలిగించిన నష్టం పట్ల మీకున్న కోపాన్ని వారు తట్టుకోలేరు. అందుకే వారు మన దేశాన్ని ముక్కలు చేసి ద్వేషం వెనుక దాక్కుంటున్నారు. ప్రతి భారతీయుడి పట్ల ప్రేమతో ఉండటం ద్వారా వారిని ఓడించగలము"

- రాహుల్​ గాంధీ, కాంగ్రెస్​ నేత.

ఇదీ చదవండి:'పౌరచట్టం, ఎన్​ఆర్​సీలతో ఎవరికీ ఎలాంటి నష్టం లేదు'