భాజపా మహిళా ఎంపీలతో మోదీ భేటీ

భాజపా మహిళా పార్లమెంటు సభ్యులతో ప్రధాని నరేంద్రమోదీ ఆయన నివాసంలో భేటీ అయ్యారు. ఎంపీలతో కలిసి అల్పాహార విందులో పాల్గొన్నారు మోదీ.

నూతనంగా ఎన్నికైన భాజపా పార్లమెంటు సభ్యులతో విడతల వారీగా భేటీ అవుతున్నారు ప్రధాని నరేంద్రమోదీ. తాజాగా మహిళా ఎంపీలతో ఆయన నివాసంలో సమావేశమయ్యారు. అల్పాహార విందు ఇచ్చారు.

పార్టీ ఎంపీలందరినీ 7 బృందాలుగా విభజించారు. ఒక్కో బృందంతో ఒక్కోసారి భేటీ అవుతున్నారు మోదీ. ఇప్పటికే ఓబీసీ, ఎస్సీ, ఎస్టీ ఎంపీలు, గతంలో మంత్రులుగా పనిచేసిన ఎంపీలతో వేర్వేరుగా సమావేశమయ్యారు. ప్రస్తుతం భాజపా నుంచి గెలిచిన 41 మంది మహిళా ఎంపీలు హాజరయ్యారు.

ఆ ఇద్దరు మంత్రులూ..

మోదీతో ఎంపీలు నేరుగా సమస్యలను వినిపించేందుకు ఇదో చక్కని వేదికని పార్టీ భావిస్తోంది. ఈ సమావేశాల్లో కేంద్ర హోం మంత్రి అమిత్​ షా, పార్లమెంటరీ వ్యవహారాల శాఖ మంత్రి ప్రహ్లాద్​ జోషి కూడా భాగమయ్యారు.

గత 16వ లోక్​సభ సమయంలో పార్లమెంటు సమావేశాలకు ముందు రాష్ట్రాల వారీగా ఎంపీలతో భేటీ అయ్యేవారు మోదీ.

ఇదీ చూడండి: 'భారత వాయుసేనలో రఫేల్​ మరో గేమ్​ ఛేంజర్​'